Os yw eich sefydliad yn defnyddio rhestr o gyfeiriadau wedi’u caniatáu ar gyfer Edu App Center, gallwch reoli eich rhestr o gyfeiriadau wedi'u caniatáu yn syth yn Canvas. I ddefnyddio’r rhestr o gyfeiriadau wedi’u caniatáu, bydd angen i chi wybod beth yw’r Tocyn API sydd wedi'i greu ar gyfer eich sefydliad Edu App Center. Mae’r tocyn mynediad yn cysoni’r rhestr Apiau Allanol ar lefel y cyfrif ac ar lefel y cwrs er mwyn dangos dim ond apiau o’r rhestr o gyfeiriadau wedi’u caniatáu ar gyfer Edu App Center, sydd wedi’u creu ar gyfer y sefydliad.
Gall gweinyddwyr reoli’r rhestr apiau unrhyw bryd i dynnu tocyn mynediad neu roi un arall yn ei le. Pan nad oes tocyn mynediad mewn cyfrif neu isgyfrif, bydd y rhestr Apiau Allanol yn dangos y rhestr apiau ddiofyn sy’n cael ei darparu gan Canvas. Dim ond ar lefel cyfrif ac isgyfrif mae modd rheoli'r rhestrau o gyfeiriadau wedi’u caniatáu.
Dim ond un tocyn API ar gyfer sefydliad mae Canvas yn ei dderbyn. Mae tocyn sy’n cael ei ddefnyddio ar lefel y cyfrif yn hidlo i lawr yn awtomatig i bob isgyfrif. Mae Edu App Center yn gallu delio â chreu mwy nag un tocyn ar gyfer sefydliad, ond bydd pob tocyn yn mynd i’r un rhestr o gyfeiriadau wedi’u caniatáu. Os ydych chi am greu rhestrau cyfeiriadau ar wahân sy’n berthnasol i isgyfrifon unigol, bydd angen i chi greu sefydliadau ychwanegol yn Edu App Center a chreu tocynnau API ar gyfer pob rhestr o gyfeiriadau wedi'u caniatáu.
Nodyn: Bydd Apiau sy’n cael eu hychwanegu at restr caniatáu EduAppCenter yn cymryd hyd at 24 awr i ymddangos yn Canvas.
Agor Cyfrif
Cliciwch y ddolen Gweinyddwr (Admin) [1], yna cliciwch enw’r cyfrif [2].
Agor Gosodiadau
Yn y ddewislen Crwydro’r Cyfrif, cliciwch y ddolen Gosodiadau (Settings).
Agor Apiau
Cliciwch y tab Apiau (Apps).
Rheoli Rhestr Apiau
Cliciwch y botwm Rheoli Rhestr Apiau (Manage App List).
Rhoi Tocyn API
Yn y maes Tocyn Mynediad (Access Token) [1], rhowch y Tocyn API gan eich sefydliad Edu App Center.
Cliciwch y botwm Cadw (Save) [2].
Gweld Apiau
Gallwch weld y rhestr o apiau sydd wedi’u cymeradwyo o’ch rhestr o gyfeiriadau wedi'u caniatáu.
Nodyn: Pan mae tocyn mynediad annilys yn cael ei roi yn yr Edu App Center, ni fydd adnoddau’n ymddangos.
