Sut ydw i’n ailosod fy nghyfrinair fel arsyllwr?
Os gwnaethoch greu eich cyfrif Canvas eich hun, gallwch ailosod eich cyfrinair trwy ddolen yn yr e-bost i ofyn am gyfrinair.
Os cafodd eich manylion mewngofnodi eu darparu gan eich sefydliad, mae'n bosib na fydd modd i chi ailosod eich cyfrinair Canvas eich hun. Hefyd, os ydych chi'n mewngofnodi i Canvas gan ddefnyddio system ddilysu eich sefydliad, mae'n bosib y bydd angen i chi ailosod eich cyfrinair gan ddefnyddio gwefan eich sefydliad. Os byddwch chi'n gofyn am ailosod eich cyfrinair ac nad oes gan yr e-bost ddolen i ailosod y cyfrinair, yna bydd yn cynnwys eich cyfeiriad e-bost Canvas a'r sefydliad a ddarparodd eich cyfrinair. I newid neu gadarnhau eich cyfrinair, cysylltwch â gweinyddwr system eich sefydliad.
Nodiadau:
- Gall e-bost i ailosod cyfrinair gymryd hyd at bum munud i gyrraedd blwch derbyn eich e-bost.
- Mae negeseuon e-bost i ailosod cyfrinair yn dod i ben ar ôl dwy awr.
- Os ydych chi’n gallu mewngofnodi i Canvas. Efallai y byddwch chi’n gallu newid eich cyfrifnair yn Gosodiadau Defnyddiwr.
Gwallau E-bost
Os ydych chi wedi rhoi eich cyfeiriad e-bost a heb gael e-bost i ailosod cyfrinair, darllenwch yr awgrymiadau canlynol.
- Ydych chi wedi teipio eich cyfeiriad e-bost yn gywir? Weithiau, bydd cyfeiriadau e-bost yn cael eu camsillafu. Mae angen mewnosod cyfeiriadau e-bost yn union fel y cawsant eu cofrestru.
- Ydych chi'n ceisio cael mynediad at yr URL Canvas cywir? Ni fyddwch yn derbyn yr e-bost ailosod os ydych chi'n ceisio ailosod eich cyfrinair ar wefan nad ydych chi wedi ymrestru arni (fel canvas.instructure.com yn hytrach na myinstitution.instructure.com).
- Ydy eich e-bost Canvas yn cael ei noddi gan eich sefydliad? Os yw eich cyfeiriad e-bost yn rhan o system mur cadarn campws sy'n rhwystro negeseuon e-bost gan anfonwyr sy'n anfon at lawer o bobl ar yr un pryd, ni fyddwch yn gallu derbyn yr e-bost. Cysylltwch ag adran TG eich sefydliad am gymorth.
- Ai chi yw perchennog eich cyfeiriad e-bost? Os mai rhywun arall sy'n berchen ar eich cyfeiriad e-bost ac nad ydych chi'n gallu derbyn negeseuon e-bost ar gyfer y cyfeiriad hwnnw, ni fyddwch yn gallu cael yr e-bost ailosod. Cysylltwch â pherchennog y cyfeiriad e-bost am gymorth.
Ailosod Cyfrinair
![Ailosod Cyfrinair](https://media.screensteps.com/image_assets/assets/002/932/094/original/10017030-caf3-4ac7-a0b2-b87fc1b78c1f.png)
Mewn ffenestr newydd yn y porwr, agorwch eich tudalen fewngofnodi Canvas. Cliciwch y ddolen Wedi anghofio’r cyfrinair? (Forgot Password?).
Nodyn: Os nad yw eich sgrin fewngofnodi yn dangos y ddolen ailosod cyfrinair, cysylltwch â'ch sefydliad am gymorth.
Gofyn am Gyfrinair
![Gofyn am Gyfrinair](https://media.screensteps.com/image_assets/assets/002/932/110/original/6ab1d63d-ccb2-4704-a2a5-df3ab112775c.png)
Rhowch yr wybodaeth fewngofnodi sy'n gysylltiedig â'ch cyfrif Canvas a chlicio'r botwm Gofyn am Gyfrinair (Request Password).
Nodyn: Mae'r maes ailosod cyfrinair yn cadarnhau gwybodaeth ailosod cyfrinair trwy fewngofnodi defnyddiwr. Gall eich manylion mewngofnodi amrywio, gan ddibynnu ar eich sefydliad.
Gweld Hysbysiad Adfer Cyfrinair
![Gweld Hysbysiad Adfer Cyfrinair](https://media.screensteps.com/image_assets/assets/003/274/644/original/1358206e-d10b-4cf9-bda4-7164da28c26f.png)
Mae hysbysiad yn ymddangos yn dweud y bydd yn cymryd hyd at 30 munud i anfon cyfarwyddiadau adfer cyfrinair i’ch e-bost a’i bod y bosib y bydd angen i chi edych yn eich ffolder sbam i ddod o hyd i’r neges e-bost.
Edrychwch ar eich E-bost
![Edrychwch ar eich E-bost](https://media.screensteps.com/image_assets/assets/000/597/767/original/1a90d769-c715-4b76-b709-3adead61dbd0.png)
Ewch yn ôl i'ch cyfrif e-bost a mewngofnodi. Agorwch yr e-bost Wedi anghofio’r cyfrinair (Forgot Password). (Os nad yw'r e-bost yn eich blwch derbyn, edrychwch yn eich ffolder sbam.)
Os yw eich manylion mewngofnodi defnyddiwr yn gysylltiedig â mwy nag un cyfeiriad e-bost, bydd y cyfarwyddiadau ailosod cyfrinair yn cael eu hanfon i bob cyfeiriad.
Agor Dolen Cyfrinair
![Agor Dolen Cyfrinair](https://media.screensteps.com/image_assets/assets/000/792/573/original/00285e0e-836b-464c-b7b6-6bf23a3cc93f.png)
Cliciwch y ddolen Cliciwch yma i osod cyfrinair newydd (Click here to set a new password).
Newid Cyfrinair
![Newid Cyfrinair](https://media.screensteps.com/image_assets/assets/000/792/571/original/2ba7b2ff-e449-4167-bb58-75a2966169e7.png)
Rhowch gyfrinair newydd ac yna cadarnhau'r cyfrinair trwy ei roi eto. Cliciwch y botwm Diweddaru Cyfrinair (Update Password).
Mewngofnodi i Canvas
![Mewngofnodi i Canvas](https://media.screensteps.com/image_assets/assets/002/932/096/original/19015afe-abf3-4b5a-82fe-2c06c8b773c5.png)
Gyda'ch manylion mewngofnodi a'ch cyfrinair newydd, mewngofnodwch i Canvas.