Gallwch chi gael gafael ar Canvas drwy URL Canvas penodol i sefydliad, gwefan ysgol eich myfyriwr, e-bost gwahoddiad cwrs, neu’r ap iOS Canvas Parent neu’r ap Android Canvas Parent.
Rhaid i chi gael cyfrif i fewngofnodi i Canvas. Gweld camau datrys problemau os nad ydych chi’n gallu mewngofnodi i Canvas.
Nodiadau:
- Os ydych chi'n arsyllu myfyriwr sy’n gysylltiedig â sefydliad sy’n defnyddio Canvas ac nad ydych chi’n gwybod eich enw defnyddiwr a'ch cyfrinair, cysylltwch â gweinyddwr safle’r sefydliad.
- Os nad oes gennych chi gyfrif eto, gallwch ddysgu sut mae creu cyfrif Canvas.
- Dysgwch fwy am grwydro Canvas fel arsyllwr yng nghanllawiau Crwydro'r Safle Cyfan Canvas Observer neu’r canllawiau Fideo Canvas Observer.
Agor Canvas
Gallwch chi gael gafael ar Canvas drwy URL Canvas penodol i sefydliad. Mae URLs Canvas yn defnyddio un o’r strwythurau canlynol: [enw sefydliad eich myfyriwr].instructure.com neu canvas.[enw sefydliad eich myfyriwr].edu.
Gallwch chi hefyd ddod o hyd i URL Canvas sefydliad eich myfyriwr gan ddefnyddio ap iOS Canvas Parent neu ap Android Canvas Parent.
Efallai y bydd rhai sefydliadau yn caniatáu mynediad at Canvas drwy system awdurdodi penodol i sefydliad sy’n ailgyfeirio i Canvas, fel gwefan neu borth ysgol.
Nodyn: Nid yw cyfrifon Canvas Network ac Am Ddim i Athrawon yn dilyn y strwythur URL penodol i sefydliad. Mae modd cael gafael ar gyfrifon Canvas Network yn learn.canvas.net. Mae modd cael gafael ar gyfrifon Am Ddim i Athrawon yn canvas.instructure.com.
Mewngofnodi i Canvas
Ar ôl dod o hyd i URL Canvas sefydliad eich myfyriwr, gallwch chi fewngofnodi i’ch cyfrif Canvas.
I fewngofnodi, rhowch eich manylion adnabod (neu wybodaeth mewngofnodi) a all ymddangos fel eich cyfeiriad e-bost, enw defnyddiwr, neu ID mewngofnodi [1] a chyfrinair [2]. Yna cliciwch y ddolen Mewngofnodi (Login) [3].
Os oes ei angen, ac yn dibynnu ar osodiadau sefydliad eich myfyriwr, efallai y byddwch chi’n gallu ailosod eich cyfrinair drwy glicio’r ddolen Wedi anghofio’r cyfrinair? (Forgot Password?) [4].
Nodyn: Efallai y bydd y dudalen fewngofnodi’n edrych yn wahanol yn dibynu ar sefydliad eich myfyriwr neu os ydych chi wedi mewngofnodi drwy ap Canvas Parent.
Mewngofnodi i Canvas drwy God QR
Neu, gallwch chi fynd i fersiwn Canvas sefydliad eich myfyriwr a mewngofnodi i’r ap Canvas Parent, drwy sganio eich cod QR proffil Canvas o wefan Canvas.
Gweld camau mewngofnodi QR ar gyfer yr ap Canvas Parent gan ddefnyddio dyfais Android neu iOS.
