Gallwch chi drimio ffeil cyfryngau Studio drwy ddewis a thynnu deunydd o’r ffeil ar y dechrau, y diwedd, neu’r ddau.
Ar ôl trimio eich cyfryngau, gallwch chi ddisodli eich ffeil wreiddiol gyda’r fersiwn sydd wedi’i thrimio neu gallwch chi gadw’r cyfryngau wedi’u trimio fel ffeil newydd.
Sylwch:
- Dim ond cyfryngau rydych chi’n cael gafael arnynt trwy’r dudalen Fy Llyfrgell allwch chi eu golygu.
- Does dim modd i chi olygu cyfryngau cwrs wedi’u plannu o’u lleoliad yn y cwrs.
- Os byddwch chi’n golygu ffeil cyfryngau sydd eisoes wedi’i phlannu mewn cwrs, galwch chi ei diweddaru i’r fersiwn wedi’i golygu drwy dynnu ac ail-blannu’r ffeil yn lleoliad y cwrs.
- Dim ond cyfryngau rydych chi wedi’u llwytho i fyny i Studio allwch chi eu golygu.
- Does dim modd i chi olygu fideos sydd wedi’i mewngludo o Youtube a Vimeo.
- Os byddwch chi’n trimio ffeil cyfryngau sydd â chapsiynau, bydd y capsiynau’n cael eu trimio ochr yn ochr â’r fideo cyn agosed â phosib. Ar ôl trimio, gwnewch yn siŵr bod y ffeil a’r capsiynau’n cyfateb.
Agor y Golygydd Cyfryngau
Yn y dudalen Fy Llyfrgell, canfyddwch y cyfryngau a chlicio’r eicon Opsiynau (Options) [1]. Yna cliciwch y ddolen Golygu Cyfryngau (Edit Media) [2].
Sylwch: I olygu cyfryngau sydd wedi cael eu rhannu gyda chi, rhaid i chi gopïo’r cyfryngau i’ch llyfrgell.
Agor Modd Trimio
I drimio dechrau neu ddiwedd y cyfryngau, cliciwch y botwm Trimio.
Sylwch: Ni fydd amserlen y cyfryngau’n dangos rhagolygon ffrâm yn y golygydd fideo ar ddyfeisiau symudol.
Gweld Llithryddion Dewis
Mae llithryddion dewis i’w gweld ar ddechrau ac ar ddiwedd amserlen y cyfryngau.
Llusgo Llithryddion Dewis
I ddewis rhan o’r cyfryngau i’w dynnu ar y dechrau, cliciwch y llithrydd dewis chwith a’i lusgo i leoliad ar yr amserlen [1]. Bydd y rhan o’r amserlen sydd wedi’i dewis ar gyfer ei thrimio yn troi’n goch.
Wrth i chi lusgo’r llithrydd dewis, mae Studio yn dangos stampiau amser dechrau a diwedd ar gyfer y dewis gyfryngau rydych chi’n ei gadw [2].
Ewch ati i ailadrodd y broses ar ddiwedd yr amserlen gan ddefnyddio’r llithrydd dewis de [3].
Sylwch: I nesáu neu bellhau yn yr amserlen, defnyddiwch y botymau Nesáu/Pellhau (Zoom) [4].
Cadarnhau neu Waredu Trimio
Gweld y dewisiadau fydd yn cael eu tynnu o’r amserlen [1].
I drimio’r cyfryngau a dod â’r modd trimio i ben, cliciwch y botwm Cadarnhau Trimio (Confirm Trim) button [2].
I waredu y dewisiadau trimio a dod â’r modd trimio i ben, cliciwch y botwm Hepgor (Discard) [3].
Cadw neu Waredu Cyfryngau wedi’u Trimio
Gallwch chi barhau i olygu’r cyfryngau, cadw, neu waredu.
I gadw’r cyfryngau fel copi neu i ddisodli’r gwreiddiol, cliciwch y botwm Cadw (Save) [1].
I ddisodli’r holl olygiadau a dychwelyd i’r llyfrgell gyfryngau, cliciwch y botwm Canslo (Cancel) [2].
Cadarnhau Hepgor
I ddisodli’r holl olygiadau a dychwelyd i’r llyfrgell gyfryngau, cliciwch y botwm Gadael a Gwaredu (Quit and Discard).
Cadw Newidiadau
Yn y ffenestr Cadw Newidiadau, gallwch chi ddisodli’r ffeil cyfryngau wreiddiol neu greu copi.
I ddisodli’r ffeil cyfryngau wreiddiol gyda’r cyfryngau wedi’i golygu, cliciwch y botwm radio Disodli’r cyfryngau gwreiddiol (Replace original media) [1].
I greu copi wedi’i olygu o’r cyfryngau gwreiddiol, cliciwch y botwm radio Creu copi (Create a copy) [2]. Yn ddiofyn, teitl y copi wedi’i drimio yw Copi: [teitl gwreiddiol]. I olygu’r teitl ar gyfer y copi, rhowch deitl newydd yn y maes Teitl (Title) [3].
I gadw’r newidiadau a dychwelyd i'r dudalen Fy Llyfrgell, cliciwch y botwm Cadw (Save) [4].
Sylwch: Os byddwch chi’n creu copi o ffeil cyfryngau rydych chi wedi’i rhannu a defnyddwyr neu grwpiau eraill, ni fydd y copi’n cael ei rannu’n awtomatig.
