Mae addysgwyr, cynorthwywyr dysgu, dylunwyr, a gweinyddwyr cyfrif Canvas Studio yn gallu creu cwisiau o’u tudalen Fy Llyfrgell yn Studio.
Ar ôl creu cwis fideo Canvas Studio, gallwch chi blannu’’r cwis yn y cwrs Canvas. Ar ôl i fyfyrwyr wneud y cwrs, gallwch chi weld y cwis neu ganlyniadau myfyriwr unigol. Gallwch chi hefyd bostio graddau cwis i’ch llyfr graddau.
Sylwch:
- Dim ond yn eich tudalen Fy Llyfrgell y gallwch chi greu cwisiau Studio o fideos.
- Mae cwisiau Studio yn gallu delio â mathau o gwestiynau Mwy nag un dewis, Gwir neu Ffug, a Mwy nag un ateb.
- Nid yw cwisiau Studio yn gallu delio â mwy na 50 o gwestiynau mewn cwis. Does dim modd golygu cwisiau gyda mwy na 50 o gwestiynau ac efallai na fyddan nhw’n ymddangos yn iawn i fyfyrwyr.
- Mae modd ychwanegu mwy nag un cwis at ffeil cyfryngau.
- Os nad yw’r opsiwn creu cwis yn ymddangos yn Studio, nid yw’r nodwedd hon wedi’i galluogi yn eich cyfrif. Cysylltwch â’ch gweinyddwyr i gael rhagor o wybodaeth.
- Pan fyddwch chi’n rhannu fideo Studio, ni fydd unrhyw gwis sydd wedi’i greu yn y fideo hwnnw yn cael ei gynnwys.
- Pan rydych chi’n copïo cynnwys cwrs Canvas, nid yw cwisiau sydd wedi’u creu yn Studio yn cael eu copïo a bydd angen eu hail-fewngludo i’r cwrs newydd.
Canfod Cyfryngau
Yn Studio, mae’r dudalen Fy Llyfrgell (My Library) yn agor yn ddiofyn. Mae'r llyfrgell yn dangos teils rhagolwg cyfryngau, gyda'r cyfryngau a ychwanegwyd fwyaf diweddar yn cael eu dangos yn gyntaf.
I chwilio am ffeil cyfryngau, cliciwch yr eicon Chwilio (Search) [1]. I roi’r cyfryngau mewn trefn yn ôl teitl, cliciwch y gwymplen Trefnu yn ôl (Sort By) [2]. I hidlo’r cyfryngau yn ôl casgliad, neu statws capsiynau, cliciwch y gwymplen Hidlo yn ôl (Filter by) [3].
Sylwch: Mae cyfryngau sy’n cynnwys cwis yn dangos yr eicon Cwis (Quiz) [4].
Creu Cwis
Yn y mân-luniau ar gyfer y cyfryngau, cliciwch yr eicon Opsiynau (Options) [1]. Yna, cliciwch y ddolen Creu Cwis (Create Quiz) [2].
Ychwanegu Manylion Cwis
Yn y maes Teitl Cwis Fideo (Video Quiz Title) [1], rhowch enw’r cwis.
Yn y maes Disgrifiad (Description) [2], rhowch ddisgrifiad opsiynol.
I guddio marciau cwestiwn yn y cwis wedi’i blannu, cliciwch y botwm toglo Cuddio marciau cwestiwn ar yr amserlen i fyfyrwyr (Hide question markers on timeline for students) [3].
I ganiatáu i anodiadau fideo ymddangos ar amserlen cwis, cliciwch y botwm toglo Caniatáu dangos anodiadau ar yr amserlen i fyfyrwyr (Allow displaying annotations on timeline for students) [4].
Cliciwch y botwm Dechrau Arni (Get Started) [5].
Ychwanegu Cwestiynau
I greu cwestiwn cwis, cliciwch y botwm Ychwanegu (Add). Mae’r botwm Ychwanegu’n ymddangos pan fo’r cyfryngau wedi’u rhewi.
Sylwch: Nid yw cwisiau Studio yn gallu delio â mwy na 50 o gwestiynau mewn cwis. Does dim modd golygu cwisiau gyda mwy na 50 o gwestiynau ac efallai na fyddan nhw’n ymddangos yn iawn i fyfyrwyr.
Dewis Math o Gwestiwn
I ychwanegu cwestiwn, cliciwch yr opsiwn math o gwestiwn Mwy nag un dewis (Multiple Choice) [1], Gwir neu Ffug (True or False) [2], neu Fwy nag un ateb (Multiple Answer) [3].
Golygu Manylion Cwestiwn sydd â dewis o atebion
Yn y maes Sail y Cwestiwn (Question Stem) [1], ychwanegwch sail y cwestiwn. Mae sail y cwestiwn yn cynnwys y cwestiwn a gwybodaeth ychwanegol os oes angen.
I ychwanegu atebion at y cwestiwn, teipiwch y cwestiynau yn y meysydd Ateb (Answer) [2]. I ddewis yr atebion cywir, cliciwch y botwm wrth yr ateb hwnnw [3].
I ychwanegu dewis ateb ychwanegol, cliciwch y ddolen Ychwanegu Ateb (Add Answer) [4]. I ddileu ateb, cliciwch yr eicon Dileu [5].
Cliciwch y botwm Cadw (Save) [6].
Amrywio Pwyntiau yn ôl Ateb
I amrywio pwyntiau’n seiliedig ar ymatebion myfyriwr, cliciwch y blwch ticio Amrywio Pwyntiau yn ôl Ateb (Vary points by answer) [1]. Yna, gosodwch gyfanswm pwyntiau penodol ar gyfer pob ateb drwy roi gwerth neu ddefnyddio’r saethau yn y maes Pwyntiau (Pts) [2].
Cymysgu Dewisiadau Mwy nag un ateb
I gymysgu dewisiadau atebion, cliciwch y blwch ticio Cymysgu Dewisiadau (Shuffle Choices) [1]. I gloi ateb yn ei leoliad, cliciwch yr eicon Cloi Safle’r Dewisiadau i Ddrysu (Lock Distractor Position) [2]. I ddatgloi cwestiwn wedi’i gloi, cliciwch yr eicon Datgloi Safle’r Dewisiadau i Ddrysu (Unlock Distractor Position) [3].
Golygu Manylion Cwestiwn Gwir neu Ffug
Yn y maes Sail y Cwestiwn (Question Stem) [1], ychwanegwch sail y cwestiwn. Mae sail y cwestiwn yn cynnwys y cwestiwn a gwybodaeth ychwanegol os oes angen.
I ddewis yr ateb cywir i gwestiwn, cliciwch y botwm wrth yr opsiwn Gwir (True) [2] neu Ffug (False) [3].
Cliciwch y botwm Cadw (Save) [4].
Golygu Manylion Cwestiwn sydd â dewis o atebion
Yn y maes Sail y Cwestiwn (Question Stem) [1], ychwanegwch sail y cwestiwn. Mae sail y cwestiwn yn cynnwys y cwestiwn a gwybodaeth ychwanegol os oes angen.
I ychwanegu atebion at y cwestiwn, teipiwch y cwestiynau yn y meysydd Ateb (Answer) [2]. I ddewis yr atebion cywir, cliciwch y blwch ticio wrth yr ateb hwnnw [3].
I ychwanegu dewis ateb ychwanegol, cliciwch y ddolen Ychwanegu Ateb (Add Answer) [4]. I ddileu ateb, cliciwch yr eicon Dileu [5].
Cliciwch y botwm Cadw (Save) [6].
Cymysgu Dewisiadau Mwy nag un ateb
I gymysgu dewisiadau atebion, cliciwch y blwch ticio Cymysgu Dewisiadau (Shuffle Choices) [1]. I gloi ateb yn ei leoliad, cliciwch yr eicon Cloi Safle’r Dewisiadau i Ddrysu (Lock Distractor Position) [2]. I ddatgloi ateb wedi’i gloi, cliciwch yr eicon Datgloi Safle’r Dewisiadau i Ddrysu (Unlock Distractor Position) [3].
Ychwanegu Adborth Cwestiwn Cwis
I ychwanegu adborth cwestiwn, cliciwch y ddolen adran Adborth Cwestiwn (Question Feedback) [1].
Gallwch chi roi sylwadau i fyfyrwyr eu gweld ar ôl gwneud y cwis. Gallwch chi roi sylwadau am ateb cywir [2], ateb anghywir [3], neu i ddarparu adborth cyffredinol [4].
Gweld Cwestiynau
Mae’r eiconau marc cwestiwn yn yr amserlen yn dangos y cwestiynau yn y cyfryngau [1]. I olygu cwestiwn sydd eisoes yn bodoli, hofrwch eich cyrchwr dros yr eicon marc cwestiwn, a chlicio’r eicon Golygu [2].
I adolygu cwestiynau’r cwis fideo pan mae’r fideo’n chwarae, cliciwch y botwm Chwarae (Play) [3].
Dychwelyd i’r Cyfryngau
Ar ôl i chi orffen golygu eich cwis fideo, cliciwch y botwm Gorffen (Done).
Gweld Cyfryngau gyda Chwis
Mae eicon Cwis i’w weld ar gyfryngau gyda chwisiau.
Golygu Cwis
Ar y dudalen Fy Llyfrgell, canfyddwch y cyfryngau gyda’r cwis. Cliciwch yr eicon Opsiynau (Options) [1], hofrwch eich cyrchwr dros y ddolen Cwisiau (Quizzes) [2], a dewiswch enw’r cwis [3].
Er mwyn i ddefnyddwyr wneud y cwis, rhaid i chi blannu’r cyfryngau mewn cwrs Canvas.
Sylwch: Ar ôl i fersiwn o gwis gael ei blannu neu ei wneud, nid oes modd ei olygu.
