Yn Canvas Studio mae capsiynau wedi eu cynhyrchu’n awtomatig yn cael eu hychwanegu’n ddiofyn i’r cyfrwng rydych wedi’i lwytho i fyny. Mae’r adnodd awtomatig yn defnyddio technoleg i drawsgrifio iaith y ffeil cyfryngau gyda chywirdeb o 85%. Mae hefyd yn bosibl gosod y capsiynau awtomatig ar cyhoeddi’n awtomatig; mae’r nodwedd hon wedi cael ei diffodd yn ddiofyn. Oni bai fod y gosodiadau wedi cael eu cloi gan eich ardal, gallwch reoli eich gosodiadau capsiynau awtomatig a chyhoeddi’n awtomatig yn y ddewislen gosodiadau Personol.
Nid yw capsiynau wedi’u creu’n awtomatig ar gael ar gyfer ffeiliau cyfryngau YouTube neu Vimeo wedi’u llwytho i fyny. Ar gyfer y mathau hyn o gyfryngau, gallwch chi lwytho ffeiliau cyfryngau i fyny neu greu capsiynau eich hun. Ar gyfer mathau eraill o gyfryngau sydd wedi’u llwytho i fyny cyn 25 Mawrth, 2024, mae modd ychwanegu capsiynu awtomatig at ffeil cyfryngau ar gais.
Os yw capsiynu proffesiynol ar gael yn eich rhanbarth, bydd yr opsiwn Proffesiynol ar gael yn y ffenestr cais Capsiynu. Mae capsiynu proffesiynol yn defnyddio capsiynwr dynol sy’n trawsgrifio ffeiliau cyfryngau gyda chywirdeb o hyd at 99%.
Mae capsiynau sydd wedi’u creu’n awtomatig yn cael eu cefnogi ar gyfer yr ieithoedd canlynol: Arabig, Tsieinëeg (Syml), Tsiecaidd, Daneg, Iseldireg, Saesneg, Ffrangeg, Almaeneg, Eidaleg, Japaneg, Corëeg, Latfieg, Lithwaneg, Norwyeg, Pwyleg, Portiwgaleg, Rwseg, Sbaeneg, Tyrceg, a Swedeg.
Sylwch:
- Os nad oes modd newid y gosodiadau capsiynau awtomatig a chyhoeddi’n awtomatig yn eich cyfrif defnyddiwr, maent wedi cael eu gosod a’u cloi gan eich ardal.
- Unwaith bod Cyfryngau Canvas Studio yn cynnwys capsiynau, gall defnyddwyr eraill lwytho’r trawsgrifiad o’r cyfryngau i lawr.
- Dim ond os yw eich rhanbarth yn contractio â’r gwasanaethau capsiynu proffesiynol Verbit neu Cielo24 y mae capsiynu proffesiynol ar gael.
- Os nad yw’r opsiwn capsiynu proffesiynol yn ymddangos yn y ffenestr cais Capsiynu, nid yw capsiynu proffesiynol ar gael ar hyn o bryd yn eich rhanbarth. Cysylltwch â’ch gweinyddwyr i gael rhagor o wybodaeth.
Canfod Cyfryngau
Yn Studio, mae’r dudalen Fy Llyfrgell (My Library) yn agor yn ddiofyn. Mae'r llyfrgell yn dangos teils rhagolwg cyfryngau, gyda'r cyfryngau a ychwanegwyd fwyaf diweddar yn cael eu dangos yn gyntaf.
I chwilio am ffeil cyfryngau, cliciwch yr eicon Chwilio (Search) [1]. I roi’r cyfryngau mewn trefn yn ôl teitl, cliciwch y gwymplen Trefnu yn ôl (Sort By) [2]. I hidlo’r cyfryngau yn ôl casgliad, neu statws capsiynau, cliciwch y gwymplen Hidlo yn ôl (Filter by) [3].
Nodyn: Mae’r cyfryngau sy’n cynnwys capsiynau yn dangos yr eicon Capsiwn (Caption) [4].
Agor Cyfryngau
Hofrwch eich cyrchwr dros fân-lun y cyfryngau, a chlicio’r botwm Gweld (View) [2].
Agor Capsiynau
I wneud cais am gapsiynu awtomatig ar gyfer cyfryngau wedi’u llwytho i fyny cyn 25 Mawrth, 2024, cliciwch y tab Capsiynau (Captions) [1]. I wneud cais am drawsgrifiad capsiynau, cliciwch y botwm Cais (Request) [2].
Gwneud Cais am Gapsiynau Awtomatig
I ddewis yr iaith sy’n cael ei siarad yn y ffeil, cliciwch y gwymplen Iaith (Language) [1].
I gadarnhau eich cais, cliciwch y botwm Cais (Request) [2].
Sylwch: Os nad yw’r opsiwn capsiynu proffesiynol yn ymddangos yn y ffenestr cais Capsiynu, nid yw capsiynu proffesiynol ar gael ar hyn o bryd yn eich rhanbarth.
Gwneud Cais am Gapsiynau Proffesiynol
Os yw capsiynu dynol proffesiynol ar gael yn eich rhanbarth, mae’r opsiwn Proffesiynol i'w weld. I ddewis capsiynu proffesiynol, cliciwch y botwm radio Proffesiynol (Professional) [1].
I ddewis yr iaith sy’n cael ei siarad yn y ffeil cyfryngau, cliciwch y gwymplen Iaith (Language) [2].
Mae’r mathau o wasanaethau capsiynu’n amrywio’n seiliedig ar y darparwr capsiynu. I ddewis math o wasanaeth o’r gwasanaethau sydd ar gael gan ddarparwr eich rhanbarth, cliciwch y gwymplen Math o wasanaeth (Service type) [3].
I gadarnhau eich cais, cliciwch y botwm Cais (Request) [4].
Gweld Cais Capsiynu Mewn Ciw
Gweld y ceisiadau capsiynu mewn ciw
Mae ceisiadau capsiynu sy’n mynd rhagddynt yn dangos y dangosydd statws prosesu [1].
Mae ceisiadau capsiynu sydd wedi cael eu gwrthod neu sydd wedi methu yn dangos y dangosydd statws wedi methu [2].
Byddwch chi’n derbyn hysbysiad e-bost pan fydd y broses drawsgrifio capsiynau wedi gorffen.
Nodyn: Mae Canvas Studio’n cantiatáu un ffeil gapsiynu awtomatig ac un broffesiynol i bob iaith, i bob ffeil gyfryngau.
Adolygu a Chyhoeddi Ffeil Gapsiynu Awtomatig
Yn y tab Capsiynau, mae’r statws cyhoeddi i’w weld [1]. Er mwyn i gapsiynau awtomatig ymddangos yn eich cyfryngau, rhaid i chi adolygu a chyhoeddi’r ffeil.
I adolygu a chyhoeddi’r ffeil, cliciwch yr eicon Opsiynau (Options) [2]. Yna cliciwch y ddolen Adolygu a Chyhoeddi (Review and Publish) [3].
Adolygu Ffeil Capsiynau
Os ydych chi’n defnyddio capsiynau awtomatig, gallwch chi wneud unrhyw olygiadau i’r ffeil gapsiynau yn y golygydd capsiynau.
I gyhoeddi’r capsiynau, cliciwch y botwm Cyhoeddi (Publish) [1].
I gau’r golygydd capsiynau heb gyhoeddi, cliciwch y botwm Cau (Close) [2].
Rheoli Capsiynau wedi’u Cyhoeddi
I reoli capsiynau wedi’u cyhoeddi, cliciwch yr eicon Opsiynau [1]. I adolygu neu olygu capsiynau, cliciwch y ddolen Golygu (Edit) [2]. I lwytho’r ffeil gapsiynau i lawr, cliciwch y ddolen Llwytho i lawr (Download) [3]. I ddisodli’r ffeil gapsiynau gyda ffeil o’ch cyfrifiadur, cliciwch y ddolen Disodli (Replace) [4]. I ddileu’r ffeil gapsiynau, cliciwch y ddolen Dileu (Delete) [5].
Nodyn: Llwytho ffeiliau capsiynau Canvas Studio i lawr fel ffeiliau SRT. Ar ôl eu llwytho i lawr, gallwch chi newid ffeiliau capsiynau i ffeiliau presesu geiriau ar y rhan fwyaf o gyfrifiaduron.
Galluogi Capsiynau
Yn ddiofyn, mae capsiynau wedi’u diffodd. I roi’r capsiynau ymlaen yn y cyfryngau, cliciwch yn eicon Toglo Capsiynau Ymlaen.
Sylwch:
- Dim ond os oes gan y cyfryngau gapsiynau y mae’r eicon Toglo Capsiynau Ymlaen yn ymddangos.
- Mae’r eicon capsiynau ar gael o’r ddewislen Gosodiadau ar sgriniau sydd yn 480px o led neu lai.
