Mae cyhoeddiadau’n caniatáu i addysgwyr gyfathrebu â myfyrwyr am weithgareddau cwrs yn ogystal â phostio am bynciau diddorol sy’n ymwneud â’r cwrs. Mae cyhoeddiadau cwrs wedi cael eu cynllunio i ganiatáu i addysgwyr ddarlledu gwybodaeth i holl aelodau cwrs neu i holl aelodau adrannau mewn cwrs.
Gall y myfyrwyr ateb cyhoeddiadau, ond nid yw atebion yn cael eu hystyried yn sgyrsiau ac nid ydynt yn ymddangos yn y Blwch Derbyn. Gall myfyrwyr hefyd greu cyhoeddiadau mewn grŵp myfyrwyr.
Gwyliwch y fideo Trosolwg o Gyhoeddiadau neu ddysgu mwy yn:
- Cyhoeddiadau gwersi ar gyfer addysgwyr
- Cyhoeddiadau gwersi ar gyfer myfyrwyr
- Cyhoeddiadau gwersi ar gyfer arsylwyr
Nodyn: Gall gweinyddwyr greu cyhoeddiadau safle cyfan ar gyfer gohebu ar draws y cyfrif i gyd.
Agor Cyhoeddiadau Cwrs
Yn y ddewislen Crwydro’r Cwrs, cliciwch y ddolen Cyhoeddiadau (Announcements).
Gweld Cyhoeddiadau
Mae cyhoeddiadau cwrs yn ymddangos ar dudalen Mynegai’r Cyhoeddiadau. I gyfathrebu â myfyrwyr am logisteg cwrs, gall addysgwyr ychwanegu cyhoeddiad [1]. Gall addysgwyr bennu fformat ac ychwanegu cynnwys at gyhoeddiadau gan ddefnyddio’r nodweddion Golygydd Cynnwys Cyfoethog (Rich Content Editor). Gall addysgwyr hefyd ddefnyddio opsiynau cyhoeddiadau i alluogi eraill i ateb/gwneud sylw [2], i alluogi crynodebau podlediad, i ganiatáu hoffi, ac i ddewis ffrâm amser ar gyfer y cyhoeddiad.
Cyn gynted ag y bydd addysgwr wedi creu cyhoeddiad, Canvas fydd yn gyfrifol am roi gwybod i’r myfyrwyr yn unol â'u gosodiadau hysbysu. Bydd dangosyddion wrth y cyhoeddiad hefyd yn dangos a yw wedi’i ddarllen ai peidio.
Mae gan addysgwyr ddewis i fwydo negeseuon o’ch blog neu ffynonellau gwybodaeth eraill yn uniongyrchol i’w tudalen Cyhoeddiadau gan ddefnyddio RSS. Gellir hidlo crynodebau RSS yn ôl gair allweddol er mwyn atal cynnwys amherthnasol rhag cyrraedd y cwrs. Gall myfyrwyr sy'n defnyddio darllenwyr RSS danysgrifio i gyhoeddiadau cwrs y tu allan i Canvas.
Nodiadau:
- Mae modd defnyddio bysellau hwylus i lywio cyhoeddiadau unigol. I weld ffenestr gyda rhestr o fysellau crwydro hwylus, pwyswch Alt+F8 (ar fysell cyfrifiadur) neu Option+F8 (ar fysell Mac) ar yr un pryd ar eich bysell.
- Os yw cyhoeddiad wedi’i fewngludo gan ddefnyddio copi cwrs, yr Offeryn Mewngludo Cwrs, neu gwrs glasbrint, mae’r llun proffil yn dangos y llythyren U yn hytrach na llun proffil defnyddiwr [4]. Nid yw cyhoeddiadau sydd wedi’u copïo yn cynnwys dyddiad nac amser postio chwaith.
Pryd fyddwn i’n defnyddio Cyhoeddiadau?
Fel addysgwr, defnyddiwch y Cyhoeddiadau i wneud y canlynol:
- Atgoffa eich myfyrwyr o’r hyn sydd angen iddynt ei gyflawni er mwyn aros ar y trywydd iawn.
- Cyfeirio myfyrwyr at adnoddau mewnol ac allanol a fydd yn eu helpu i gyflawni Deilliannau'r cwrs.
- Gadael neges ar gyfer y dosbarth cyfan gyda sylwadau sain neu fideo.
- Dathlu llwyddiannau myfyrwyr a digwyddiadau pwysig a all fod o ddiddordeb i’ch myfyrwyr.
- Bwydo crynodeb RSS personol sy'n ymwneud â phwnc y cwrs i’ch myfyrwyr.
- Rhannu blogiau sydd wedi’u hysgrifennu gan eich myfyrwyr yn awtomatig ar Wordpress, Blogger ac ati gyda chrynodebau RSS personol.
Fel myfyriwr, efallai y gallwch weld ac ymateb i gyhoeddiadau cwrs. Mae’n bosib hefyd y gallwch ychwanegu cyhoeddiadau mewn grŵp myfyrwyr.
Ailddylunio Cyhoeddiadau
Os yw eich sefydliad wedi’i alluogi, mae Ailddylunio Cyhoeddiadau yn cynnig gwell profiad ar gyfer trafodaethau cwrs.
Mae cyhoeddiad sy’n cael ei dangos yn y rhyngwyneb Ailddylunio Cyhoeddiadau’n cynnwys tair adran: bar offer y drafodaeth, pwnc y drafodaeth, ac atebion y drafodaeth.
Gallwch chi ddefnyddio’r bar offer i chwilio am atebion neu awduron penodol, hidlo yn ôl pob ateb neu atebion heb eu darllen, trefnu atebion o’r diweddaraf i’r hynaf, a dychwelyd i frig y cyhoeddiad.
