Fel addysgwr, mae SpeedGrader yn caniatáu i chi weld a graddio aseiniadau sydd wedi’u cyflwyno gan fyfyrwyr mewn un lle gan ddefnyddio graddfa bwyntiau neu gyfarwyddyd sgorio cymhleth. Mae Canvas yn derbyn amrywiaeth o fformatau dogfennau a hyd yn oed URLs ar gyfer aseiniadau a gyflwynir. Mae modd marcio rhai aseiniadau dogfen i gael adborth yn uniongyrchol yn y cyflwyniad. Mae modd rhoi adborth i’ch myfyrwyr drwy ddefnyddio testun neu sylwadau ar gyfryngau hefyd.
Pryd Fyddwn i’n Defnyddio SpeedGrader?
Gallwch ddefnyddio SpeedGrader i wneud y canlynol:
- Trefnu cyflwyniadau yn ôl myfyrwyr a chuddio enwau'r myfyrwyr er mwyn graddio’n ddienw
- Edrych ar fanylion cyflwyniad pob myfyriwr, gan gynnwys aseiniadau sydd wedi’u hailgyflwyno
- Defnyddio cyfarwyddiadau sgorio i ddyrannu graddau
- Rhoi adborth i’ch myfyrwyr
- Tracio eich cynnydd graddio a chuddio aseiniadau pan fyddwch chi'n graddio
- Gweld cyflwyniadau mewn aseiniadau wedi’u safoni
Gweld SpeedGrader
Ar gyfer pob myfyriwr, mae gan SpeedGrader bum maes:
- Gweld cyflwyniadau myfyrwyr (cofnodion testun, URLs gwefannau, recordiadau ar gyfryngau a/neu ffeiliau wedi eu llwytho i fyny); gweld rhagolwg o fathau o ffeiliau y mae modd delio â nhw yn DocViewer Canvas; adolygu cyflwyniadau mewn fformat ffeil arall gan ddefnyddio’r rhagddangosydd dogfennau neu Google Preview
- Dyrannu gradd yn seiliedig ar eich hoff ddull asesu (pwyntiau neu ganrannau)
- Gweld Cyfarwyddyd Sgorio i helpu i raddio (os oes un wedi’i ychwanegu at yr aseiniad)
- Gweld sylwadau sydd wedi’u creu gennych chi neu'r myfyriwr am yr aseiniad
- Creu testun, fideo a/neu sylwebaeth sain ar gyfer y myfyriwr
Nodyn: Mae modd defnyddio bysellau hwylus i lywio SpeedGrader. I weld ffenestr gyda rhestr o fysellau hwylus, pwyswch y bysellau Shift+Marc Cwestiwn ar yr un pryd ar eich bysellfwrdd.
- Reference
- Community Guidelines
- Security
- Developers
- Open Source
