Yn yr adran Blwch Derbyn, gallwch anfon neges at un defnyddiwr neu fwy nag un defnyddiwr mewn cwrs.
Os yw eich rhestr derbynwyr yn cynnwys mwy na 100 o ddefnyddwyr, bydd eich neges yn cael ei hanfon yn awtomatig fel neges unigol at bob defnyddiwr. Byddwch chi, fel yr anfonwr, hefyd yn cael eich cynnwys yng nghyfanswm y derbynwyr.
Sylwch:
- Ni allwch anfon negeseuon at ddefnyddwyr mewn mwy nag un cwrs ar hyn o bryd.
- Gallwch hefyd anfon neges atoch chi eich hun, ond dim ond yn y ffolder Negeseuon a Anfonwyd y bydd modd gweld y negeseuon hyn.
- Bydd defnyddwyr yn ymddangos yn y Blwch Derbyn ar ôl iddyn nhw ymrestru ar y cwrs, ac ni all defnyddwyr ymuno â chwrs oni bai ei fod wedi'i gyhoeddi.
- Allwch chi ddim anfon negeseuon at ddefnyddwyr mewn cyrsiau sydd wedi dirwyn i ben.
Agor Blwch Derbyn
Yn y ddewislen Crwydro’r Safle Cyfan, cliciwch y ddolen Blwch Derbyn (Inbox).
Creu Neges
Cliciwch yr eicon Creu.
Nodyn: Gallai’r bar offer edrych yn wahanol os yw’r gweinyddwr wedi galluogi’r ymateb awtomatig neu’r llofnod. I gael rhagor o wybodaeth, ewch i Sut i reoli gosodiadau fy Mlwch Derbyn (Inbox) fel myfyriwr?
Dewis Cwrs
Yn y gwymplen Cyrsiau (Course) [1], dewiswch i ba gwrs rydych chi am anfon eich neges [2].
Ychwanegu Defnyddiwr
Chwilio am y defnyddiwr yn y maes At (To) [1]. Neu, gallwch chi ganfod a dewis defnyddiwr dwy glicio’r botwm Cofrestr y Cwrs (Course Roster) [2].
Chwilio am Ddefnyddiwr
I chwilio am ddefnyddiwr, teipiwch enw'r defnyddiwr yn y maes At (To) [1]. Dewiswch enw’r defnyddiwr o’r rhestr [2].
Ychwanegu Mwy nag Un Defnyddiwr
I anfon neges at fwy nag un defnyddiwr, ychwanegwch enwau’r defnyddwyr yn y maes At (To) [1].
Gallwch chi anfon neges unigol at bob derbynydd drwy glicio’r blwch ticio Anfon neges unigol at bob derbynydd (Send an individual message to each recipient) [2].
Defnyddio’r Llyfr Cyfeiriadau
I ychwanegu defnyddiwr o gofrestr y cwrs, cliciwch y botwm Llyfr Cyfeiriadau (Address Book) [1]. Dewiswch rôl y defnyddiwr yr hoffech chi ei ychwanegu [2]. Yna dewiswch enw’r defnyddiwr [3] Mae enwau’n cael eu rhestru yn nhrefn y wyddor yn ôl cyfenw.
I ychwanegu mwy nag un defnyddiwr ar eich neges, pwyswch yr allwedd command (Mac) neu’r allwedd control (Windows) a chlicio enw’r defnyddwyr perthnasol.
I fynd yn ôl at gofrestr y cwrs, cliciwch yr opsiwn Yn Ôl (Back) [4].
Anfon Neges
Yn y maes llinell pwnc (subject line) [1], rhowch linell pwnc ar gyfer eich neges.
Os ydych chi’n anfon eich neges at fwy nag un defnyddiwr, ond nad ydych am i bob defnyddiwr weld pwy arall sydd wedi'i gynnwys yn y neges, cliciwch y blwch ticio Anfon neges unigol at bob derbynnydd (Send an individual message to each recipient) [2]. Os yw’ch neges yn cynnwys dros 100 o dderbynwyr (gan eich cynnwys chi fel anfonwr), bydd y blwch ticio hwn yn cael ei ddewis yn ddiofyn.
Teipiwch eich neges yn y maes neges (message) [3]. Caiff yr holl gynnwys ei anfon mewn testun plaen. Mae URLs sydd wedi’u cynnwys mewn neges yn cael eu troi’n awtomatig yn ddoleni y mae modd clicio arnynt ar ôl i'r neges gael ei anfon.
I gynnwys atodiad neu ffeil cyfryngau, cliciwch y botymau Atodiad (Attachment) neu Ffeil Cyfryngau (Media File) [4].
Pan fyddwch chi wedi gorffen, cliciwch y botwm Anfon (Send) [5].
