Mae'r Ddewislen Crwydro’r Safle Cyfan i'w gweld ar ochr chwith pob tudalen yn Canvas. Mae’r dolenni Crwydro’r Safle Cyfan yn rhoi mynediad cyflym at nodweddion Canvas a ddefnyddir yn aml. Mae’r dolenni hyn yn rhoi mynediad at eich holl gyrsiau gyda’i gilydd. Mae'r dolenni diofyn yn cynnwys y Dangosfwrdd, Cyrsiau, Grwpiau, Calendr, Blwch Derbyn, Cyfrif Defnyddiwr a’r ddewislen Help.
Yn ddibynnol ar osodiadau cyfrif eich sefydliad, efallai y bydd dolenni eraill yn ymddangos yn y Ddewislen Crwydro’r Safle Cyfan.
Note: Efallai y bydd eich addysgwr yn penderfynu defnyddio ffont wahanol ar gyfer un neu ragor o’ch cyrsiau. Wrth edrych ar y cyrsiau hynny, bydd y Ddewislen Crwydro'r Safle Cyfan yn dangos yr un ffont.
Gweld Cyfrif
I weld eich gwybodaeth defnyddiwr, cliciwch y ddolen Cyfrif (Account). Bydd dewislen yn ehangu ac yn dangos dolenni i gael mynediad at eich gosodiadau defnyddiwr, eich gosodiadau ar gyfer hysbysiadau, eich ffeiliau personol, a’ch e-Bortffolios (os ydyn nhw wedi’u galluogi). Os yw eich sefydliad wedi galluogi Proffiliau, gallwch gael mynediad at eich proffil.
Gallwch hefyd ddefnyddio’r ddolen Cyfrif i allgofnodi o Canvas.
Gweld Dangosfwrdd
Y Dangosfwrdd yw’r dudalen lanio ar ôl i chi fewngofnodi i Canvas. Mae modd toglo’r Dangosfwrdd i wedd cwrs, gwedd rhestr, neu wedd gweithgarwch diweddar, ac mae'n dangos hysbysiadau ar gyfer holl gyrsiau presennol Canvas.
Gweld Cyrsiau
I weld eich cyrsiau, cliciwch y ddolen Cyrsiau [1]. Mae’r ddewislen Cyrsiau yn dangos rhestr o’ch hoff gyrsiau, neu, os nad ydych chi wedi dewis hoff gyrsiau, bydd y ddewislen yn dangos y cyrsiau rydych chi wedi ymrestru arnynt ar hyn o bryd. Os bydd cwrs yn cynnwys dyddiadau tymhorau, bydd enw'r tymor yn ymddangos gyda’r cwrs.
I weld cwrs, cliciwch enw’r cwrs [2]. I addasu eich rhestr cyrsiau neu i weld eich holl gyrsiau Canvas, cliciwch y ddolen Pob Cwrs [3].
Gweld Grwpiau
Os ydych chi wedi ymrestru mewn Grwpiau, gallwch weld eich grwpiau drwy ddefnyddio’r ddolen Grwpiau [1]. Bydd dewislen yn ehangu ac yn dangos yr holl grwpiau mewn cyrsiau rydych chi wedi ymrestru ar eu cyfer ar hyn o bryd.
I weld grŵp, cliciwch enw’r grŵp [2]. I weld eich holl grwpiau, cliciwch y ddolen Pob Grŵp [3].
Note: Does dim modd addasu'r grwpiau yn y gwymplen.
Gweld Blwch Derbyn
I weld eich Blwch Derbyn ar gyfer yr adran Sgyrsiau, cliciwch y ddolen Blwch Derbyn (Inbox). Sgyrsiau yw system negeseuon Canvas lle gallwch gyfathrebu â defnyddwyr eraill ar eich cyrsiau. Caiff nifer y negeseuon newydd ei ddangos fel rhan o eicon y Blwch Derbyn.
Gweld Hanes
I weld hanes eich ymweliadau â thudalenau cwrs Canvas yn ddiweddar, cliciwch y ddolen Hanes (History). Mae Hanes Diweddar yn dangos hyd at dair wythnos o’ch ymweliadau â thudalennau cwrs Canvas.
Gweld Help
I gael help gyda Canvas, cliciwch y ddolen Help. Dewiswch yr opsiwn help sy’n berthnasol i’ch anghenion chi.
Note: Yn ddibynnol ar osodiadau eich sefydliad, gall y ddewislen Help ddangos gwahanol opsiynau.
Crebachu’r Ddewislen Crwydro'r Safle Cyfan
I ehangu neu grebachu’r ddewislen Crwydro’r Safle Cyfan, cliciwch yr eicon saeth.
Bydd y ddewislen Crwydro'r Safle Cyfan yn cael ei chrebachu’n awtomatig ar gyfer sgriniau dyfeisiau tabled.
