Efallai y bydd eich addysgwr yn dewis cynnwys sylwadau’n uniongyrchol mewn aseiniad sy’n cael ei gyflwyno gan ddefnyddio sylwadau mewn llinell neu anodiadau Os yw tudalen manylion aseiniad sydd wedi'i gyflwyno yn cynnwys botwm Gweld Adborth (View Feedback), gallwch weld y sylwadau hyn gydag anodiadau drwy adnodd gweld rhagolwg a elwir yn DocViewer Canvas. Hefyd, gallwch chi ddefnyddio DocViewer Canvas i ateb unrhyw sylwadau neu wneud eich anodiadau eich hun.
Efallai na fydd rhai porwyr yn rendro sylwadau’n gywir ar y cychwyn wrth edrych ar adborth. Os yw eich porwr yn cynnwys dangosydd PDF yn barod, dewiswch yr opsiwn i weld y PDF yn nangosydd y system. Hefyd, gallwch chi lwytho ffeiliau PDF i lawr gyda sylwadau i’w gweld ar eich cyfrifiadur. Mae'r gosodiadau sydd eu hangen i weld neu argraffu’r anodiadau yn y PDF yn amrywio yn seiliedig ar y feddalwedd sydd wedi’i gosod ar eich cyfrifiadur.
Sylwch:
- Os bydd atodiad yr aseiniad yn dangos botwm Rhagolwg (Preview) yn lle’r botwm Gweld Adborth (View Feedback), dydy eich ffeil ddim yn gydnaws â DocViewer ac ni fydd yn cynnwys unrhyw sylwadau gydag anodiadau.
- Os yw’r aseiniad rydych chi’n cael mynediad ati’n edrych wahanol, efallai nad yw Gwelliannau Aseiniad (Assignment Enhancements) wedi’u galluogi yn eich cwrs neu efallai nad yw eich addysgwr wedi defnyddio math o aseiniad a gefnogir. Dysgwch sut i weld adborth ar aseiniad gan eich addysgwr drwy ddefnyddio Gwelliannau Aseiniad.
- Os gwnaethoch chi gyflwyno aseiniad grŵp ond nad ydych chi’n aelod o grŵp, mae’n bosibl na fydd sylwadau’r addysgwr yn ymddangos ar y dudalen Manylion Cyflwyniad. Gallwch chi weld sylwadau o’ch tudalen Graddau neu’r ffolder Sylwadau ar y Cyflwyniad yn y Blwch Derbyn.
Agor Graddau
Yn y ddewislen Crwydro’r Cwrs, cliciwch y ddolen Graddau (Grades).
Gweld Manylion Aseiniad
Cliciwch deitl aseiniad.
Gweld adborth
Cliciwch y ddolen Gweld Adborth (View Feedback). Mae’r ddolen Gweld adborth yn cynnwys dangosydd os oes sylwadau wedi’u hannodi wedi cael eu hychwanegu at aseiniad y mae modd delio ag ef.
Sylwch:
- Os bydd atodiad yr aseiniad yn dangos botwm Rhagolwg (Preview), dydy eich ffeil ddim yn gydnaws â DocViewer.
- Os yw eich aseiniad yn edrych yn wahanol i’r hyn sydd i’w weld yn y wers hon, efallai fod eich addysgwr yn defnyddio Gwelliannau Aseiniad yn eich cwrs. Dysgwch sut i ddod o hyd i adborth gan eich addysgwr yn yr adran Gwelliannau Aseiniad.
Gweld Sylwadau gydag Anodiadau
Gallwch weld y sylwadau gydag anodiadau gan eich addysgwr [1].
I ymateb i sylw, cliciwch y sylw a chlicio'r botwm Ateb (Reply) [2].
Pan fydd sylw gydag anodiadau yn cynnwys mwy nag un llinell o gynnwys, bydd y blwch cynnwys yn dangos dolen elipsis. I ehangu sylw, cliciwch y ddolen elipsis [3].
I weld atebion wedi’u pentyrru, cliciwch y sylw i ehangu pob ateb [4].
I weld y cyflwyniad mewn gwedd wedi’i hehangu, cliciwch y botwm Sgrin Lawn (Full Screen) [5].
Hefyd, gallwch chi ddefnyddio DocViewer i wneud eich anodiadau eich hun ar eich aseiniad.
Llwytho Ffeil i Lawr
I lwytho PDF o’r cyflwyniad a’r anodiadau i lawr, cliciwch yr eicon Llwytho i Lawr (Download) [6].
