Gallwch chi blannu ffeil delwedd i mewn i ymatebion trafodaeth gan ddefnyddio'r opsiynau bar offer a bar dewislen yn y Golygydd Cynnwys Cyfoethog. Gallwch chi lwytho delweddau i fyny o’ch cyfrifiadur, URL Gwefan, neu eich ffeiliau defnyddiwr Canvas.
Os oes newid yn cael ei wneud i ffynhonnell eich delwedd ar ôl i chi ei phlannu mewn ymateb i drafodaeth, ni fydd y ddelwedd sydd wedi’i hychwanegu at eich ymateb i drafodaeth yn newid.
Nodiadau:
- Cyn y gallwch chi blannu delwedd o Canvas, raid i’r ddelwedd gael ei llwytho i fyny i’ch ffeiliau defnyddiwr.
- Gallwch chi blannu amrywiaeth o ffeiliau delwedd gwahanol. Dysgwch pa fath o ffeiliau delwedd y gallwch chi eu plannu.
- Gallwch chi hefyd atodi ffeil i ymateb i drafodaeth.
- Os byddwch chi’n postio eich ymateb i drafodaeth cyn i ddelwedd atodol orffen llwytho i fyny, mae Canvas yn dangos neges rhybudd.
Agor Trafodaethau
Yn y ddewislen Crwydro’r Cwrs, cliciwch y ddolen Trafodaethau (Discussions).
Agor Trafodaeth
Cliciwch deitl y drafodaeth
Ysgrifennu Ymateb
Creu cofnod trafodaeth newydd drwy glicio’r botwm Ymateb (Reply).
Ychwanegu Delwedd o’r Bar Offer
I ychwanegu delwedd o’r bar offer, cliciwch yr eicon Delwedd (Image) [1].
I lwytho delweddau newydd i fyny o’ch cyfrifiadur neu o URL dewiswch yr opsiwn Llwytho Delwedd i Fyny (Upload Image) [2]
I blannu delweddau o’ch ffeiliau defnyddiwr, dewiswch yr opsiwn Delweddau Defnyddiwr (User Images) [3].
Nodyn: I weld yr eicon Delwedd, efallai y bydd angen i chi glicio’r eicon Opsiynau [4].
Ychwanegu Delwedd o’r Bar Dewislen
Gallwch chi hefyd ychwanegu delwedd gan ddefnyddio’r bar dewislen yn y Golygydd Cynnwys Cyfoethog. Mae’r bar dewislen yn dangos teitlau offer y Golygydd Cynnwys Cyfoethog ac efallai ei fod yn well i’r rheini sy’n defnyddio bysellau crwydro.
I lwytho delwedd i fyny gan ddefnyddio’r bar dewislen, cliciwch y ddewislen Mewnosod (Insert) [1] a dewiswch yr opsiwn Delwedd (Image) [2]. I lwytho delweddau newydd i fyny o’ch cyfrifiadur neu URL, dewiswch yr opsiwn Llwytho Delwedd i Fyny (Upload Image) [3], neu er mwyn plannu delweddau o’ch ffeiliau defnyddiwr, dewiswch yr opsiwn Delweddau Defnyddiwr (User Images) [4].
Llwytho Delwedd i Fyny o Gyfrifiadur
Mae’r Adnodd Llwytho Delwedd i Fyny yn dangos y tab Cyfrifiadur (Computer) yn ddiofyn [1]. I lwytho ffeil i fyny o’ch cyfrifiadur, cliciwch neu lusgo a gollwng ffeil delwedd i’r adnodd llwytho delwedd i fyny [2]. Neu, cliciwch yr adnodd llwytho delweddau i fyny a dewiswch ffeil o’ch cyfrifiadur.
Nodyn: Mae delweddau sydd wedi’u llwytho i fyny o’ch cyfrifiadur yn cael eu hychwanegu at eich ffeiliau defnyddiwr.
Dewis Ffeil
Gallwch glicio i lwytho ffeil i fyny, dewiswch y ffeil delwedd [1] a chliciwch y botwm Agor (Open) [2].
Gallwch chi ddysgu am y math o ffeiliau delwedd a gefnogir..
Gweld y Ffeil dan Sylw
Gweld rhagolwg o enw’r ffeil delwedd [1] a’r ddelwedd [2].
Nodyn: I dynnu’r ddelwedd a dewis delwedd arall, cliciwch yr eicon Dileu [3].
Plannu Delwedd o URL
I blannu delwedd o URL, cliciwch y tab URL [1].
Rhowch yr URL yn y maes URL Ffeil (File URL) [2].
Rheoli Hawliau Defnyddio
Os yw’n ofynnol yn eich sefydliad, bydd angen i chi ddewis gosodiadau hawliau defnyddio ar gyfer eich delwedd.
Yn y gwymplen Hawliau Defnyddio (Usage Right) [1], dewiswch un o’r pum hawl defnyddio canlynol:
- Fi sydd biau’r hawlfraint: yn golygu cynnwys gwreiddiol sydd wedi’i greu gennych chi
- Rydw i wedi cael caniatâd i ddefnyddio’r ffeil hon. caniatâd awdurdodedig gan yr awdur
- Mae’r deunydd yn y parth cyhoeddus: wedi’i neilltuo’n benodol i’r parth cyhoeddus, nid oes modd ei ro o dan hawlfraint, neu nid yw wedi’i ddiogelu gan hawlfraint mwyach
- Mae’r eithriad yn berthnasol i'r deunydd - ee defnydd teg, yr hawl i ddyfynnu, neu hawliau eraill o dan y cyfreithiau hawlfraint perthnasol: dyfyniad neu grynodeb yn cael eu defnyddio ar gyfer sylwadau, adrodd y newyddion, ymchwil, neu ddadansoddiad mewn addysg
- Mae’r deunydd wedi’i drwyddedu o dan Creative Commons: mae angen gosod trwydded Creative Commons benodol ar gyfer yr opsiwn hwn.
Os yw’n hysbys, rhowch wybodaeth perchennog yr hawlfraint yn y maes Perchennog yr Hawlfraint (Copyright Holder) [2].
Rheoli Priodoleddau Delwedd
I ychwanegu Testun Amgen at eich delwedd, teipiwch ddisgrifiad testun amgen neu dagiau testun yn y maes Testun Amgen (Alt Text) [1]. Yn ddiofyn, mae’r maes Testun Amgen yn dangos enw ffeil y ddelwedd. Mae testun amgen yn cael ei ddarllen gan ddarllenwyr sgrin, ac mae cael ei ddangos pan nad oes modd dangos y ddelwedd sydd wedi’i phlannu.
Os ydy’r ddelwedd yn addurniadol ac nad oes angen testun amgen arni, cliciwch y blwch ticio Delwedd Addurniadol (Decorative Image) [2].
Yn ddiofyn, mae’r opsiwn arddangos Plannu Delwedd (Embed Image) wedi’i ddewis ar gyfer plannu delweddau [3].
I ddangos dolen y ffeil delwedd, dewiswch yr opsiwn Dangos Dolen Testun (Display Text Link) [4]. Bydd dolen y ffeil yn cymryd lle’r ddelwedd yn y Golygydd Cynnwys Cyfoethog.
Plannu Delwedd
I blannu’r ddelwedd sydd gennych chi dan sylw, cliciwch y botwm Cyflwyno (Submit).
Nodyn: Mae’r ddelwedd yn fflachio cyn iddi gael ei phlannu yn y Golygydd Cynnwys Cyfoethog.
Gweld Delwedd wedi’i Phlannu
Gweld y ddelwedd rydych wedi’i llwytho i fyny yn y Golygydd Cynnwys Cyfoethog. Gallwch chi hefyd ychwanegu neu addasu tagiau testun amgen a rheoli’r opsiynau dangos delwedd.
Postio Ymateb
Cliciwch y botwm Ymateb (Reply).
Gweld Ymateb i Drafodaeth
Gweld eich ymateb i drafodaeth.
