Mae’r dudalen Mynegai Trafodaethau (Discussion Index) yn caniatáu i chi weld pob trafodaeth mewn cwrs yn ogystal â chymryd rhan mewn trafodaethau grŵp a chwrs.
Nodyn: Gall eich addysgwr ddewis cuddio’r ddolen Trafodaethau (Discussions) yn y ddewislen Crwydro'r Cwrs. Os nad yw’r ddolen Trafodaethau (Discussions) ar gael, gallwch ddarllen y Trafodaethau mewn rhannau eraill o Canvas.
Agor Trafodaethau
Yn y ddewislen Crwydro’r Cwrs, cliciwch y ddolen Trafodaethau (Discussions).
Nodyn: Os nad yw’r ddolen Trafodaethau ar gael yn yr adran Crwydro’r Cwrs, gallwch chi gael mynediad at drafodaethau cwrs drwy'r dudalen Modiwlau.
Gweld Trafodaethau
Caiff trafodaethau eu trefnu yn ôl tri phrif faes.
Trafodaethau (Discussions) [1]: Mae’r rhain yn drafodaethau cyfredol yn y cwrs. Caiff trafodaethau eu trefnu yn ôl y gweithgarwch mwyaf diweddar. Mae’r pennawd adran hwn ond yn dangos a oes trafodaethau yn yr adran hon.
Trafodaethau wedi’u Pinio (Pinned Discussions) [2]: Mae’r rhain yn drafodaethau y mae eich addysgwr am i chi roi sylw penodol iddynt ac yn ymddangos ar frig y dudalen Trafodaethau. Yr unig reswm y byddwch chi’n gweld pennawd yr adran hon yw pan fo trafodaethau yn yr adran wedi’u neilltuo gan eich addysgwr.
Wedi Cau ar gyfer Sylwadau (Closed for Comments) [3]: Mae’r trafodaethau hyn wedi cael eu cau â llaw ar gyfer sylwadau, neu mae'r drafodaeth wedi mynd heibio i’r dyddiad ar gael o/tan. Mae’r rhain yn drafodaethau sydd ar gael i’w darllen yn unig ac maent wedi’u trefnu yn ôl y gweithgarwch mwyaf diweddar. Mae’r pennawd adran hwn ond i’w weld os nad oes trafodaethau yn yr adran hon.
Gweld Trafodaeth Unigol
Mae pob trafodaeth yn dangos a yw'r drafodaeth wedi’i graddio [1], enw’r drafodaeth [2], dyddiad y neges ymateb ddiwethaf yn y drafodaeth [3], y dyddiad erbyn (os o gwbl) [4], nifer y negeseuon sydd heb eu darllen/cyfanswm y negeseuon yn y drafodaeth [5], ac a ydych chi wedi tanysgrifio i’r drafodaeth [6].
Gallwch hefyd weld dyddiadau ar gael ar gyfer trafodaethau unigol [7].
Mae eicon heb ei ddarllen y drws nesaf i drafodaeth yn nodi trafodaeth sydd heb ei darllen [8]. Ni fydd nifer y negeseuon sydd heb eu darllen/cyfanswm y negeseuon yn ymddangos ar gyfer trafodaethau grŵp a thrafodaethau sydd heb atebion [9].
Hefyd, bydd eicon adolygiad cyd-fyfyrwyr yn ymddangos pan fydd adolygiadau gan gyd-fyfyrwyr wedi’u neilltuo ar gyfer trafodaeth wedi’i graddio.
Gweld Dyddiadau Ar Gael
Y dyddiadau cyntaf a welwch chi yw’r dyddiadau ar gael. Mae'n bosib y bydd eich addysgwr yn defnyddio dyddiadau ar gael i gyfyngu atebion i drafodaethau i gyfnod penodol o ddyddiadau. Y dyddiadau ar gael yw'r cyfnod y bydd y drafodaeth ar gael i chi. Mae dyddiadau ar gael hefyd yn ymddangos ar y dudalen Aseiniadau ar gyfer pob trafodaeth sydd â dyddiadau ar gael wedi'u neilltuo iddi.
Os nad oes dyddiad wedi’i nodi ar gyfer y drafodaeth, mae’r drafodaeth yn agored, a gallwch ymateb i'r drafodaeth unrhyw bryd yn ystod eich cwrs [1].
Os yw’r drafodaeth yn dweud Ddim Ar Gael Tan (Not Available Until) [dyddiad], bydd y drafodaeth wedi’i chloi tan y dyddiad a nodir [2].
Os yw’r drafodaeth yn dweud Ar gael tan (Available until) [dyddiad], gallwch ymateb i’r drafodaeth tan y dyddiad a nodir [3].
Os yw’r drafodaeth yn yr adran Wedi Cau ar gyfer Sylwadau (Closed for Comments), ni fydd y drafodaeth yn gallu derbyn cyflwyniadau [4]. Mae'n bosib y bydd trafodaethau yn yr adran hon yn dangos "Wedi cloi ar [dyddiad]" i nodi pryd y cafodd y drafodaeth ei chau i sylwadau [5].
Nodyn: Os yw’r dyddiad a restrir wedi’i osod i 12 AM, y diwrnod olaf ar gyfer cyflwyno’r aseiniad yw’r diwrnod llawn cyn y dyddiad a restrir. Er enghraifft, os yw aseiniad Ar Gael tan 15 Rhagfyr, gallwch gael mynediad at yr aseiniad tan 14 Rhagfyr am 11:59 pm.
Gweld Dyddiadau Erbyn
Yr ail gyfres o ddyddiadau yw’r dyddiadau erbyn ar gyfer pob trafodaeth berthnasol [1]. Fodd bynnag, mae’r dyddiadau erbyn yn berthnasol i’r trafodaethau sydd wedi’u graddio yn unig. Bydd unrhyw ymatebion i drafodaethau a ddaw ar ôl y dyddiad erbyn yn cael eu nodi fel rhai hwyr, a bydd rhai addysgwyr yn tynnu pwyntiau am ymatebion hwyr. Bydd modd i chi ymateb i drafodaeth hwyr cyn y dyddiad Ar Gael Tan (Available until).
Cofiwch y gall y Dyddiad Erbyn fod cyn neu ar y dyddiad Ar Gael.
Mae dyddiadau erbyn yn cynnwys amser [2] hefyd. Os nad yw eich addysgwr yn gosod amser erbyn, mae’r dyddiad a restrir yn dangos amser erbyn diofyn y cwrs.
Hidlo Trafodaethau
Mae sawl ffordd o hidlo Trafodaethau:
- Gallwch weld trafodaethau heb eu darllen neu'r holl drafodaethau trwy ddewis opsiwn o'r gwymplen.
- Chwiliwch am drafodaeth drwy deipio teitl trafodaeth, enw defnyddiwr neu allweddair yn y maes Chwilio (Search).
- Gallwch ddechrau trafodaeth newydd drwy glicio'r botwm Ychwanegu Trafodaeth (Add Discussion). (Nodyn: Mae rhai addysgwyr yn dewis analluogi’r opsiwn hwn.)
- Gallwch newid gosodiadau'r trafodaethau er mwyn nodi eich hun y negeseuon sydd wedi’u darllen drwy glicio yr eicon Gosodiadau.
Agor Trafodaeth
Cliciwch enw trafodaeth.
Gweld Trafodaeth
Mae tair adran i drafodaeth: y bar offer trafod [1], y pwnc trafod [2], ac ymatebion i’r drafodaeth [3].
Gweld Bar Offer Trafodaethau
Bydd y bar offer trafodaethau yn aros ar ben y pwnc trafod pan fyddwch chi’n edrych ar ymatebion i drafodaethau.
I chwilio am ymatebion neu awduron penodol, rhowch eich termau yn y maes chwilio (search) [1].
I hidlo ymatebion, cliciwch y gwymplen Pob un (All) [2]. Gallwch chi hidlo yn ôl yr holl ymatebion neu ymatebion heb eu darllen.
I drefnu’r ymatebion yn ôl y rhai mwyaf newydd neu hynaf, cliciwch y botwm Sortio (Sort) [3].
I weld yr ymatebion mewn edeifion drwy rannu sgrin, cliciwch y botwm Gweld Rhannu Sgrin (View Split Screen) [4].
I weld yr ymatebion mewn edeifion i gyd ar yr un pryd, cliciwch y botwm Ehangu edeifion (Expand Threads) [5]. Gallwch chi grebachu’r ymatebion mewn edeifion drwy glicio’r botwm Crebachu edeifion (Collapse Threads) [6].
I weld yr ymatebion mewn edeifion mewn-llinell, cliciwch y botwm Mewn-llinell (Inline) [7].
Gweld Neges Trafodaeth Ddienw
Os yw’r drafodaeth yn un ddienw, mae neges yn ymddangos sy’n nodi y bydd eich enw a’ch llun proffil wedi eu cuddio oddi wrth aelodau eraill y cwrs.
Gweld Pwnc Trafod
Mae’r adran pwnc trafod yn cynnwys gwybodaeth bwysig am y drafodaeth, gan gynnwys teitl y drafodaeth [1] a disgrifiad [2].
Gallwch chi hefyd weld y dyddiad erbyn (os oes un yn bodoli) [3] enw’r awdur [4], labeli rôl defnyddwyr ar gyfer Cymhorthwyr Addysgu ac Athrawon (Addysgwr) [5], dyddiad ac amser cyhoeddi’r drafodaeth [6], nifer y pwyntiau posibl (os o gwbl) [7], a nifer yr ymatebion [8].
Nodyn: Os yw’r drafodaeth yn un ddienw, nid yw enwau a lluniau proffil y myfyrwyr i’w gweld. Mae negeseuon sy’n cael eu creu gan yr addysgwr yn arddangos enw a llun proffil yr addysgwr.
Gweld Opsiynau’r Drafodaeth
I weld y ddewislen Opsiynau ar gyfer trafodaeth, cliciwch yr eicon Opsiynau (Options) [1].
I farcio bod yr holl atebion wedi’u darllen, cliciwch y botwm Marcio bod y cyfan wedi’u darllen (Mark All as Read) [2]. I weld cyfarwyddyd sgorio’r drafodaeth, cliciwch y ddolen Dangos Cyfarwyddyd Sgorio (Show Rubric) [3].
Nodyn: Os nad yw’r ddolen Dangos Cyfarwyddyd Sgorio (Show Rubric) yn dangos y ddewislen Opsiynau, nid yw eich addysgwr wedi ychwanegu cyfarwyddyd sgorio at y drafodaeth.
Gweld Ymatebion i Drafodaeth
Mae ymatebion i drafodaethau i’w gweld o dan y pwnc trafod [1]. Dysgwch sut i weld a rhoi trefn ar ymatebion i drafodaethau ac ymatebion i drafodaeth adroddiad.
Gweld Ymatebion i Drafodaeth Mewn Edeifion Mewn-llinell
Wrth weld ymatebion i drafodaeth mewn edeifion mewn-llinell, gallwch grebachu ac ehangu’r edeifion trafod drwy glicio ar y botymau Ehangu edeifion (Expand Threads) a Chrebachu edeifion (Collapse Threads). Pan fydd ymateb mewn edefyn trafod wedi’i grebachu, gallwch chi weld y dangosyddion ymateb sy’n dangos cyfanswm yr ymatebion heb eu darllen a chyfanswm yr holl ymatebion.
I ehangu’r ymatebion i edeifion trafod mewn-llinell, cliciwch y ddolen # yr ymatebion (# of replies) [1].
Gweld a darllen ymatebion a ddarllenwyd a heb eu darllen [2].
I weld opsiynau golygu ymatebion mewn edeifion, cliciwch yr eicon Opsiynau (Options) [3]. Gallwch chi farcio bod ymatebion wedi’u darllen/heb eu darllen, marcio fod ymatebion mewn edeifion wedi’u darllen / heb eu darllen, dychwelyd at y testun, dyfynnu’r ymateb, neu roi gwybod am yr ymateb.
Gweld Ymatebion i Drafodaeth Mewn Edeifion Drwy Rannu Sgrin
I weld yr ymatebion mewn edeifion drwy rannu sgrin, cliciwch y botwm Gweld Rhannu Sgrin (View Split Screen) [1].
Wrth weld ymatebion i drafodaeth mewn edeifion drwy rannu sgrin, gallwch chi grebachu ac ehangu’r bar ochr ymatebion i edefyn trafod. Pan fydd ymateb mewn edefyn trafod wedi’i grebachu, gallwch chi weld y dangosyddion ymateb sy’n dangos cyfanswm yr ymatebion heb eu darllen a chyfanswm yr holl ymatebion.
I ehangu’r ymatebion i edefyn trafod mewn bar ochr, cliciwch y ddolen # yr ymatebion (# of replies) [2].
Gweld a darllen ymatebion a ddarllenwyd a heb eu darllen [3].
I weld opsiynau golygu ymatebion mewn edeifion, cliciwch yr eicon Opsiynau (Options) [4]. Gallwch chi farcio bod ymatebion wedi’u darllen/heb eu darllen, marcio fod ymatebion mewn edeifion wedi’u darllen / heb eu darllen, dychwelyd at y testun, dyfynnu’r ymateb, neu roi gwybod am yr ymateb.
I grebachu’r ymatebion i edefyn trafod mewn bar ochr, cliciwch y ddolen Cau (Close) [5].
Gweld Trafodaeth gydag Atebion Gofynnol
Os nad ydych chi’n gallu gweld ymatebion gan fyfyrwyr eraill, mae'n bosib y bydd rhaid i chi ymateb eich hun cyn y gallwch eu gweld. Ar ôl i chi ymateb i’r drafodaeth, bydd modd gweld unrhyw ymatebion eraill.
Gweld Trafodaeth Grŵp
Os yw trafodaeth yn drafodaeth grŵp, cewch eich cyfeirio at y nodwedd Trafodaethau yn eich grŵp.
Gweld y Golygydd Cynnwys Cyfoethog
Wrth greu neu olygu testunau trafod neu ymatebion, byddwch chi’n defnyddio Golygydd Cynnwys Cyfoethog i roi a golygu eich cynnwys. Mae’r Golygydd Cynnwys Cyfoethog yn eich caniatáu i fformatio testun, rhoi dolen o’r testun i gwrs neu gynnwys allanol, mewnosod cyfrwng, ac atodi ffeiliau. Dysgu mwy am ddefnyddio’r Golygydd Cynnwys Cyfoethog.
