Gallwch weld unrhyw grwpiau y mae eich addysgwr neu fyfyriwr arall wedi’ch ychwanegu chi atynt fel aelod, yn ogystal ag unrhyw grwpiau hunangofrestru yn eich cwrs.
Dysgwch sut mae gweld y grwpiau rydych chi wedi cofrestru arnynt.
Agor yr Adnodd Pobl
Yn y ddewislen Crwydro’r Cwrs, cliciwch y ddolen Pobl (People).
Sylwch: Os ydy eich addysgwr wedi analluogi’r ddolen Pobl yn y ddewislen Crwydro’r Cwrs, dim ond grwpiau rydych wedi cofrestru ynddynt y gallwch eu gweld.
Agor Grwpiau
Cliciwch y tab Grwpiau (Groups) [1].
Neu, i agor eich grwpiau o’r ddewislen Opsiynau, cliciwch yr eicon Opsiynau (Options) [2] a chlicio’r ddolen Gweld Grwpiau Defnyddiwr (View User Groups) l
Gweld Grwpiau Cwrs
Gweld y grwpiau sydd ar gael yn eich cwrs. Mae pob grŵp yn dangos enw’r grŵp yn ogystal â sawl aelod sy’n rhan o’r grŵp hwnnw.
Os oes unrhyw grwpiau hunangofrestru ar gael i ymuno â nhw, gallwch chi ymuno a’r grŵp drwy glicio’r botwm Ymuno (join) [1], neu gallwch chi newid grŵp o fewn set grwpiau drwy glicio’r botwm Newid i (Switch to) [2].
Os ydych chi eisoes yn rhan o grŵp hunangofrestru, gallwch chi adael y grŵp drwy glicio’r botwm Gadael (Leave) [3].
Sylwch: Does dim modd i chi adael grwpiau sydd ddim yn grwpiau hunangofrestru.
Gweld Grwpiau Arweinydd Myfyrwyr
Os ydych chi wedi cael eich gwahodd i fod yn arweinydd myfyrwyr ac i reoli grŵp, bydd y ddolen Rheoli (Manage) yn ymddangos.
Gweld y Grŵp
Os ydych chi’n aelod o’r grŵp, bydd y ddolen Ymweld (Visit) yn ymddangos. I gael mynediad at dudalen Hafan a dewislen Crwydro’r Grŵp, ewch i’r grŵp.
Gweld Aelodau’r Grŵp
I weld pa fyfyrwyr sydd wedi'u haseinio i'r grŵp, cliciwch unrhyw le yn y grŵp [1]. Bydd enwau’r myfyrwyr yn ymddangos mewn rhestr estynedig [2].
Mae’r eicon Person yn ymddangos wrth ymyl arweinydd y grŵp myfyrwyr [3].
