Fel myfyriwr, gallwch weld eich graddau ar sail sgorau Beth-os er mwyn gwybod sut bydd aseiniadau sydd ar y gweill neu sydd wedi’u hailgyflwyno yn effeithio ar y graddau. Gallwch brofi sgorau ar gyfer aseiniad sydd eisoes yn cynnwys sgôr, neu aseiniad sydd heb gael ei raddio eto.
Nodiadau:
- Mae Sgorau Beth-os yn ysgogi diweddariadau i’ch graddau presennol a'r graddau terfynol. Gan ddibynnu ar ddull cyfrifo'r radd ar gyfer eich cwrs, gall eich graddau ymddangos fel gwerth pwynt neu fel canran.
- Gall eich addysgwr eich atal chi rhag gweld eich graddau presennol a/neu raddau terfynol.
- Os yw wedi’i alluogi gan eich sefydliad, efallai mai dim ond data meintiol y bydd gennych chi hawl i’w weld, fel graddau llythyren a sylwadau graddio.
Agor Graddau
Yn y ddewislen Crwydro’r Cwrs, cliciwch y ddolen Graddau (Grades).
Gweld Gradd Bresennol neu Radd Gyflawn
Mae modd i chi weld y graddau sydd gennych chi’n barod i weld sut bydd sgorau bras yn effeithio ar eich gradd.
Os yw ar gael, bydd eich gradd bresennol yn cael ei dangos yn y bar ochr [1]. Caiff y radd bresennol ei chyfrifo drwy adio’r aseiniadau sydd wedi eu graddio yn unol â’u pwysoliad yng nghynllun graddau’r cwrs, a daw hyn i rym wrth dicio Cyfrifo ar sail aseiniadau sydd wedi’u graddio yn unig (Calculate based only on graded assignments) [2] yn y bar ochr. Mae'r blwch ticio hwn yn cael ei ddewis yn y bar ochr yn ddiofyn.
Os ydych chi am weld eich gradd gyflawn, mae angen i chi dynnu’r tic o’r blwch ticio yn y bar ochr. Caiff eich gradd ei chyfrifo ar sail aseiniadau wedi'u graddio ac aseiniadau heb eu graddio.
Gweld Cyfnodau Graddio
Os yw eich addysgwr yn defnyddio cyfnodau graddio, mae tudalen y graddau’n dangos y cyfnod graddio presennol yn ddiofyn. I newid cyfnodau graddio, cliciwch y gwymplen Cyfnod Graddio (Grading Period) [1]. Cliciwch y botwm Defnyddio (Apply) [2].
Sgôr Aseiniad Prawf
Chwiliwch am yr aseiniad a chlicio cell y sgôr.
Rhoi Sgôr Beth-os
Rhowch sgôr ddamcaniaethol ar gyfer yr aseiniad.
Gweld Graddau Beth-os
Mae’r dudalen Graddau (Grades) yn diweddaru'r sgôr gyflawn â'r radd Beth-os (What-If ).
Mynd yn ôl i’r sgôr go iawn
I fynd o’ch Sgôr Beth-os i’ch sgôr go iawn, cliciwch y saeth sydd wrth ymyl y radd Beth-os [1]. Gallwch chi newid sgorau yn ôl yn y bar ochr drwy glicio'r botwm Mynd yn ôl i’r sgôr go iawn (Revert to Actual Score) [2].
Dangos Sgorau Beth-os sydd wedi’u cadw
I weld eich graddau gydag unrhyw sgorau “Beth-os” rydych chi wedi eu profi ar eich cwrs, cliciwch y botwm Dangos Sgorau “Beth-os” sydd wedi’u cadw (Show Saved What-If Scores).
