Mae’r dudalen Cynadleddau yn gadael i chi weld pob cynhadledd sy’n rhan o gwrs. Fel myfyriwr, gallwch ymuno a chynadleddau rydych chi wedi cael gwahoddiad i gymryd rhan ynddyn nhw.
Mewn grwpiau myfyrwyr, gallwch greu cynadleddau newydd, dechrau cynadleddau, a rheoli cynadleddau sydd wedi dod i ben.
Nodyn: Mae creu cynhadledd yn un o hawliau cwrs. Os nad oes modd i chi greu cynhadledd, mae eich sefydliad wedi cyfyngu’r nodwedd hon.
Cyngor ar Ddatrys Problemau: Os ydych chi’n cael trafferth cael mynediad at gynhadledd, efallai y bydd angen i chi roi cynnig ar y datrysiadau canlynol:
- Yn gyntaf, cliriwch storfa a chwcis eich porwr a rhoi cynnig arall arni.
- Os nad yw clirio eich storfa a’ch cwcis yn datrys y broblem, efallai fod rhywbeth yn eich porwr yn eich rhwystro rhag cael mynediad at Gynadleddau Canvas. I ddilysu hyn, rhowch gynnig ar ddefnyddio modd Incognito Chrome neu fodd Preifat Firefox.
- Os na allwch gael mynediad at gynhadledd o borwr Incognito neu Breifat, rhowch gynnig ar ddefnyddio porwr gwahanol fel Chrome neu Firefox.
- Os ydych chi’n dal i gael trafferth cael mynediad at eich cynhadledd, ewch i dudalen statws Canvas i weld a oes unrhyw broblemau’n effeithio ar Gynadleddau ar hyn o bryd.
Agor Cynadleddau
Yn Crwydro'r Cwrs, cliciwch y ddolen ar gyfer eich adnodd gwe-gynadledda. Mae enw’r ddolen yn adlewyrchu’r adnodd cynadledda sy’n cael ei ddefnyddio gan eich sefydliad.
Gweld Cynadleddau
Gallwch weld y cynadleddau rydych chi wedi cael gwahoddiad i gymryd rhan ynddyn nhw.
Mae cynadleddau’n cael eu rhannu’n ddwy ran: Cynadleddau Newydd [1] a Chynadleddau wedi Dirwyn i Ben [2]. Bydd enw’r gynhadledd [3] a’r disgrifiad [4] yn ymddangos yn y ddwy ran bob amser.
Gweld Cynhadledd sydd ar waith
Bydd cynadleddau newydd yn cael eu rhestru yn y mynegai, ond does dim modd cael mynediad atyn nhw nes bydd y sawl sy’n cynnal y gynhadledd wedi dechrau’r gynhadledd. Pan fydd y gynhadledd ar gael, cliciwch y botwm Ymuno (Join) [1]. Pan fydd y gynhadledd wedi dechrau, rhoddir y statws ar waith [2] i'r gynhadledd.
Gallwch ymuno â'r gynhadledd ar yr amod bod y botwm Ymuno (Join) ar gael. Gyda rhai cynadleddau, dim ond am gyfnod penodol y gallwch chi ymuno â nhw.
Gweld Cynadleddau sydd wedi Dirwyn i Ben
Mae cynadleddau sydd wedi dirwyn i ben i’w gweld yn yr adran Cynadleddau wedi Dirwyn i Ben (Concluded Conferences). Bydd teitl, dyddiad a disgrifiad o’r gynhadledd yn ymddangos ar gyfer pob cynhadledd sydd wedi dirwyn i ben.
Gweld Cynhadledd sydd wedi’i Recordio
Pan fydd eich cynhadledd wedi dirwyn i ben, cliciwch enw’r gynhadledd sydd wedi’i recordio [1]. I ailchwarae'r gynhadledd, cliciwch ddolen fformat y recordiad [2]. Bydd fformat y recordiad yn ymddangos naill ai fel cyflwyniad neu fideo.
Fydd dolen fformat y recordiad ddim yn ymddangos nes bydd y gynhadledd wedi’i rendro i gael ei chwarae. Gall y broses rendro gymryd peth amser i’w chwblhau. Bydd hyd y gynhadledd yn cael ei nodi yn y fformat oriau:munudau (e.e. mae 0:18 yn golygu 18 munud).
Os oedd eich cynhadledd yn cynnwys capsiynau caeedig, bydd botwm CC yn ymddangos ar far chwarae’r fideo er mwyn gallu gweld y capsiynau sydd ar gael.
Nodyn: Ar gyfer pob cyfrif Cynhadledd sylfaenol, caiff recordiadau eu dileu’n awtomatig 7 diwrnod ar ôl i’r gynhadledd ddod i ben.
Gweld Ystadegau a Nodiadau
Os ydych chi wedi creu cynhadledd mewn grŵp, mae'n bosib y byddwch chi'n gallu gweld ystadegau a nodiadau ar gyfer eich cynhadledd.
Os yw eich sefydliad wedi uwchraddio i haen premiwm Cynadleddau Canvas (Canvas Conferences), gallwch weld ystadegau'r gynhadledd drwy glicio’r ddolen Ystadegau (Statistics) [1].
Os oedd eich cynhadledd yn cynnwys nodiadau wedi’u rhannu, gallwch weld y nodiadau drwy glicio'r ddolen Nodiadau (Notes) [2]. Bydd y nodiadau wedi’u rhannu yn ymddangos mewn tab pori newydd, lle mae modd eu gweld a'u copïo.
Nodyn: Dydy nodiadau ddim ond ar gael ar gyfer cynadleddau sydd wedi'u recordio.
