Fel gweinyddwr cyfrif, gallwch osod opsiynau cofrestru ac ymrestru gwahanol ar gyfer eich cyfrif. Mae’r opsiynau sydd ar gael yn cynnwys hunan-ymrestru, hunan-gofrestru, a chofrestru agored.
Hunan-ymrestru
Mae hunan-ymrestru yn ddull ymrestru agored sy’n gadael i fyfyrwyr ddefnyddio cod neu URL cyfrinachol i ymuno â chwrs. Mae’r opsiwn hwn yn gofyn bod gan fyfyrwyr gyfrif Canvas yn barod—mae’r rhan fwyaf o sefydliadau yn creu cyfrifon Canvas yn awtomatig ar gyfer pob myfyriwr drwy fewngludo SIS.
Os ydych chi’n galluogi hunan-ymrestru ar gyfer cyfrif, mae modd i addysgwyr ganiatáu hunan-ymrestru ar gyfer eu cwrs yng Ngosodiadau Cwrs i greu URL neu god cyfrinachol i’w anfon at fyfyrwyr.
Hefyd, mae modd i’r addysgwr ychwanegu dolen ar dudalen hafan y cwrs fel bod myfyrwyr yn gallu ymuno â’r cwrs ar unrhyw adeg. Mae’r opsiwn hwn hefyd yn gweithio’n dda ar gyfer cyrsiau sydd wedi’u hychwanegu at y Mynegai Cyrsiau Cyhoeddus.
Hunan-gofrestru
Mae hunan-gofrestru hefyd yn ddull dilysu drwy Canvas sy’n gadael i ddefnyddwyr heb gyfrif greu cyfrif i’w hunain.
Os ydych chi’n galluogi hunan-gofrestru ond nad oes gan y myfyrwyr gyfrif Canvas, yna mae hunan-gofrestru yn gadael iddyn nhw greu eu cyfrifon eu hunain ar gyfer mewngofnodi i Canvas ac ymuno â’r cwrs.
Cofrestru Agored
Mae cofrestru agored yn gadael i fyfyrwyr gael eu hychwanegu at gwrs, hyd yn oed os nad oes gan y myfyrwyr gyfrif Canvas yn eich sefydliad. Bydd myfyrwyr yn creu eu cyfrif yn ystod y broses o ymrestru ar y cwrs.
Gallwch alluogi cofrestru agored yng ngosodiadau eich cyfrif.
