Fel gweinyddwr, gallwch chi greu cofnod gweithgarwch cwrs ar gyfer cwrs yn eich cyfrif. Mae’r cofnod hwn yn cynnwys trosolwg gyda stamp amser o holl weithgarwch cwrs, gan gynnwys enw’r defnyddiwr, math o weithgarwch, ffynhonnell, a dolen i weld manylion y gweithgarwch.
Nodiadau:
- Does dim modd i weinyddwyr is-gyfrifon weld gweithgarwch cwrs yn yr Adnoddau Gweinyddol.
- Mae gweithgarwch cwrs yn storio data cwrs am hyd at flwyddyn.
Agor Cyfrif
Yn y ddewislen Crwydro'r Safle Cyfan, cliciwch y ddolen Gweinyddwr (Admin) [1], yna cliciwch enw’r cyfrif [2].
Agor Adnoddau Gweinyddol
Yn y ddewislen Crwydro’r Cyfrif, cliciwch y ddolen Adnoddau Gweinyddol (Admin Tools).
Agor Cofnodi
Cliciwch y tab Cofnodi (Logging).
Dewis Math o Gofnod
O’r gwymplen math o gofnod, dewiswch yr opsiwn Gweithgarwch Cwrs (Course Activity).
Chwilio yn ôl Enw Cwrs neu ID Cwrs
Chwilio yn ôl ID Cwrs (Course ID) neu enw cwrs [1]. Gallwch chi ddod o hyd i’ch rhif ID cwrs ar ddiwedd eich URL cwrs (e.e. canvas.instructure.com/courses/XXXXXX).
Ar ôl i chi ddechrau teipio gwybodaeth y cwrs, bydd Canvas yn creu rhestr gwymplen o gyrsiau Canvas sy’n cyfateb. Mae canlyniadau’n seiliedig ar gofnodion maes dilys, felly os nad oes canlyniadau’n ymddangos (yn enwedig drwy chwilio yn ôl enw), cadarnhewch yr wybodaeth a rhoi cynnig arall arni.
Gallwch chi hefyd roi ystod dyddiadau yn y meysydd dyddiadau [2]. Nid oes angen dyddiadau, ond bydd ychwanegu dyddiadau yn cyfyngu eich canlyniadau.
Canfod Gweithgarwch Cwrs
Cliciwch y botwm Canfod (Find).
Gweld Gweithgarwch Cwrs
Bydd Canvas yn dangos unrhyw ganlyniadau perthnasol ar gyfer y meysydd rydych chi wedi’u dewis:
- Dyddiad (Date) y gweithgarwch
- Amser (Time) y gweithgarwch
- Y Defnyddiwr (User) a wnaeth y gweithgaredd
- Y Math (Type) o weithgarwch (wedi dod i ben, heb ddod i ben, wedi cyhoeddi, wedi dileu, wedi adfer, wedi diweddaru, wedi creu, wedi copïo i, wedi copïo o, wedi ailosod i, ac wedi ailosod o)
- Ffynhonnell (Source) y gweithgarwch (eich hun neu drwy API)
- Manylion Digwyddiad (Event Details) y math o ddigwyddiad (cliciwch y ddolen Gweld Manylion)
