Sut alla i gael help gyda Canvas fel gweinyddwr?
Gallwch gael help gyda Canvas drwy ddefnyddio'r ddewislen Help. Yn dibynnu ar eich rôl defnyddiwr, mae’r ddewislen Help yn creu rhestr o adnoddau i'ch helpu chi gyda Canvas. Mae Canvas yn dangos dolenni yn ôl rolau ar gyfer pob ymrestriad; er enghraifft, os ydych chi wedi ymrestru fel myfyriwr, ond bod gennych chi rôl addysgwr ar o leiaf un cwrs, bydd y ddewislen Help yn dangos dolenni sydd ar gael i fyfyrwyr ac addysgwyr.
Mae’r erthygl hon yn amlinellu'r dolen help ddiofyn a all fod wedi’u cynnwys yn y ddewislen Help ar gyfer eich sefydliad. Gallwch chi addasu dolenni yn y ddewislen Help.
I ddysgu rhagor am haenau cymorth sydd ar gael i gwsmeriaid Canvas, ewch i’r dudalen we Tîm Cymorth.
Agor Help
![Agor Help](https://media.screensteps.com/image_assets/assets/004/987/076/original/ae462557-52e0-4eaf-b128-f7791391c4e5.png)
Yn y ddewislen Crwydro’r Safle Cyfan, cliciwch y ddolen Help.
Nodyn: Yn ddibynnol ar eich sefydliad, efallai y bydd enw ac eicon y ddolen Help yn amrywio.
Gweld Dolenni Diofyn
![Gweld Dolenni Diofyn](https://media.screensteps.com/image_assets/assets/003/300/906/original/111301d8-3d8b-4b4d-b80a-12462aa32947.png)
Mae wyth dolen ddiofyn ar gyfer help neu adborth:
- Chwilio drwy Ganllawiau Canvas (Search the Canvas Guides) [1]: Gallwch chwilio drwy Ganllawiau Canvas i gael gwybodaeth am nodweddion Canvas
- Adnoddau COVID-19 Canvas (COVID-19 Canvas Resources) [2]: Mae defnyddwyr yn gallu gweld adnoddau ar gyfer addysgu a dysgu ar-lein
- Canllawiau Cynadledda ar gyfer Dosbarthiadau o Bell (Conference Guides for Remote Classrooms) [3]: Gall defnyddwyr weld a chwilio canllawiau ac adnoddau ar gyfer defnyddio Cynadleddau mewn dosbarthiadau o bell a dysgu ar-lein.
- Rhoi gwybod am broblem (Report a Problem) [4]: Gallwch gyflwyno problemau â Canvas i’n tîm cymorth
- Porth Gwasanaethau Hyfforddi (Training Services Portal) [5]: Mynediad at fideos a chyrsiau hyfforddi Canvas
- Gofyn i'r Gymuned (Defnyddwyr Nad Ydynt yn Fyfyrwyr yn Unig) [Ask the Community (Non-Students Only)] [6]: Gallwch gyfnewid syniadau ac atebion o ran swyddogaethau Canvas gydag arbenigwyr Canvas a’ch cyfoedion ar Canvas
- Cyflwyno Syniad am Nodwedd (Submit a Feature Idea) [7]: Gallwch gyflwyno syniadau am sut i wella Canvas
- Dangos Taith Groeso (Show Welcome Tour) [8]: Dysgwch fwy am Canvas drwy wylio’r Daith Groeso
Gweld Dolenni Personol
![Gweld Dolenni Personol](https://media.screensteps.com/image_assets/assets/003/300/902/original/b1a68272-8801-4b11-8f1f-6aecb25ac2a6.png)
Gall eich sefydliad newid trefn neu dynnu’r dolenni diofyn.
Gall eich sefydliad dynnu neu newid pa ddolen sy’n ymddangos fel dolen nodwedd [1] a pha ddolen sy’n dangos y label Newydd (New) [2].
Yn olaf, gall eich sefydliad gynnwys dolenni personol yn y ddewislen Help. Gall dolenni personol gynnwys tudalennau ar gyfer rhifau ffôn, gwybodaeth am gymorth, ac adnoddau eraill.
Chwilio drwy Ganllawiau Canvas
![Chwilio drwy Ganllawiau Canvas](https://media.screensteps.com/image_assets/assets/003/300/900/original/87da5958-3b44-4e2c-b12f-77c299a5d10f.png)
Bydd y ddolen Chwilio drwy Ganllawiau Canvas (Search the Canvas Guides) yn helpu defnyddwyr i chwilio drwy ddogfennau Canvas am wybodaeth ynghylch nodweddion Canvas.
Adnoddu COVID-19 Canvas
![Adnoddu COVID-19 Canvas](https://media.screensteps.com/image_assets/assets/003/300/916/original/9f6836d5-500e-4630-b0e1-9783740dec03.png)
Mae’r ddolen Adnoddau COVID-19 Canvas (COVID-19 Canvas Resources) yn gadael i ddefnyddwyr weld cyfarwyddiadau ynglŷn â chreu cynnwys cwrs yn Canvas.
Gweld Adnoddau Gwe-gynadledda
![Gweld Adnoddau Gwe-gynadledda](https://media.screensteps.com/image_assets/assets/003/300/911/original/3776819e-2f11-49b1-a673-f5e3514d45a3.png)
Mae’r ddolen Canllawiau Cynadledda ar gyfer Dosbarthiadau o Bell (Conference Guides for Remote Classrooms) yn caniatáu i ddefnyddwyr gael mynediad at ganllawiau ac adnoddau ar gyfer defnyddio gwe-gynadledda mewn dosbarthiadau o bell .... Mae’n bosib na fydd y ddolen hon yn ymddangos yn eich dewislen Help Canvas.
Rhoi gwybod am broblem
![Rhoi gwybod am broblem](https://media.screensteps.com/image_assets/assets/003/300/904/original/41f81741-4884-4020-bed3-3aca932f0813.png)
Mae'r ddolen Rhoi Gwybod am Broblem (Report a Problem) yn helpu defnyddwyr i roi gwybod am broblemau yn Canvas.
Efallai y byddwch yn cael ateb i’ch cwestiwn yn gyflymach drwy chwilio drwy Ganllawiau Canvas. Ond os na allwch ddod o hyd i ateb, gallwch anfon tocyn a chael cymorth.
Cyflwyno Tocyn
![Cyflwyno Tocyn](https://media.screensteps.com/image_assets/assets/003/300/913/original/d9a5308a-e739-40e7-946d-b7f0dd6ba71e.png)
Yn y maes pwnc (subject) [1], gallwch greu pwnc ar gyfer eich tocyn.
Yn y maes disgrifiad (description) [2], disgrifiwch y broblem rydych chi'n ei chael yn Canvas. Rhowch gymaint o fanylion â phosib er mwyn helpu i ddatrys y broblem.
Mae’r wybodaeth ganlynol yn helpu tîm cymorth Canvas i ateb eich cwestiynau’n gynt:
- Dolen i'r defnyddiwr neu enw ac e-bost y defnyddiwr.
- Dolen i’r lleoliad lle mae’r gwall.
- Crynodeb o beth sy’n digwydd.
- Sgrincast neu sgrinlun o beth sy’n digwydd.
- Y camau rydych chi wedi’u cymryd i dîm cymorth Canvas ddyblygu beth rydych chi’n ei brofi.
- Pa atebion rydych chi wedi rhoi cynnig arnyn nhw (e.e. clirio’r storfa a cwcis).
Os ydych chi’n cyflwyno tocynnau yn aml, efallai y byddai'n well gennych chi ddefnyddio rhaglen sgrincast i greu dolen ar-lein at ddelwedd neu greu fideo tywys. Fodd bynnag, os nad ydych chi'n gyfforddus yn defnyddio dolenni ar-lein, gallwch gyflwyno atodiadau yn nes ymlaen os bydd angen; ar ôl i chi gyflwyno’r tocyn, byddwch yn cael e-bost gan y tîm cymorth. Gallwch ateb yr e-bost gydag unrhyw atodiad yn ôl yr angen.
Gwybodaeth ychwanegol i helpu tîm cymorth Canvas:
- Os oes unrhyw ffeiliau’n gysylltiedig, darparwch gopi o’r ffeil.
- Os yw’r broblem SIS, darparwch y Pasio Gradd yn ôl sy’n cael ei ddefnyddio.
- Os yw’n broblem gydag adnodd personol, darparwch enw’r adnodd.
- Os oes unrhyw achosion blaenorol a allai fod yn berthnasol i’ch cwestiwn, darparwch y rhifau achosion hynny.
Yn y gwymplen [3], dewiswch y datganiad sy'n rhoi’r disgrifiad gorau o sut mae'r broblem yn effeithio arnoch chi:
- Dim ond awgrym, syniad, sylw neu gwestiwn anffurfiol
- Mae angen help arna i, ond dydy’r mater ddim yn un brys
- Mae rhywbeth wedi mynd o’i le, ond fe alla i fwrw ymlaen am y tro
- Alla i ddim bwrw ymlaen nes bydda i wedi cael ateb gennych chi
- ARGYFWNG DIFRIFOL IAWN
Ar ôl i chi orffen, cliciwch y botwm Cyflwyno Tocyn (Submit Ticket) [4].
Yn ddibynnol ar amserlen cymorth eich sefydliad, byddwch yn cael ateb cyn gynted â phosib.
Agor Porth Gwasanaethau Hyfforddi
![Agor Porth Gwasanaethau Hyfforddi](https://media.screensteps.com/image_assets/assets/003/300/909/original/53a7ea81-45ac-44af-9cbb-19e231466a99.png)
Mae’r ddolen ar gyfer y Porth Gwasanaethau Hyfforddi yn caniatáu i ddefnyddwyr fynd i’r Porth Gwasanaethau Hyfforddi, sy’n cynnwys adnoddau hyfforddi ar amrywiaeth o bynciau Canvas, y gall pobl fynd drwyddynt wrth eu pwysau.
Gofyn i’r Gymuned
![Gofyn i’r Gymuned](https://media.screensteps.com/image_assets/assets/003/300/918/original/dc5b4078-3968-418b-883b-bac61635e19c.png)
Mae'r ddolen Gofyn i’r Gymuned (Ask the Community) yn caniatáu i ddefnyddwyr sydd â math o rôl gweinyddwr, addysgwr, cynorthwyydd dysgu neu ddylunydd gydweithio ag aelodau eraill o gymuned Canvas i gael atebion i gwestiynau Canvas. Mae’r ddolen hon yn mynd â chi i’r man Dod o Hyd i Atebion yng Nghymuned Canvas.
Gofyn am Nodwedd
![Gofyn am Nodwedd](https://media.screensteps.com/image_assets/assets/003/300/896/original/0f23c869-5a47-452a-9861-11ec384fef2e.png)
Mae’r ddolen Cyflwyno Syniad am Nodwedd (Submit a Feature Idea) yn caniatáu i ddefnyddwyr gyflwyno syniad am nodwedd i Canvas. Mae'r ddolen hon yn mynd â chi i’r man Syniadau am Nodweddion yng Nghymuned Canvas.
Dangos Taith Groeso
![Dangos Taith Groeso](https://media.screensteps.com/image_assets/assets/003/300/898/original/d0548f82-67e7-4489-8000-332d41a28667.png)
Mae’r ddolen Dangos Taith Groeso (Show Welcome Tour) yn dangos i chi sut i ychwanegu pobl a chyrsiau i Canvas, rhannu templedi a chynnwys cyrsiau ag athrawon, gosod fideo gynadledda ac adnoddau eraill a chael gafael ar hyfforddiant ac adnoddau defnyddiol eraill.
Gweld Nodiadau Rhyddhau
![Gweld Nodiadau Rhyddhau](https://media.screensteps.com/image_assets/assets/005/003/274/original/2141b410-e4d6-4965-8ffd-3f4d4da5841c.png)
Os ydyn nhw wedi’u galluogi gan eich sefydliad, gallwch chi weld dolenni nodiadau rhyddhau o’r Ddewislen Help. Mae nodiadau rhyddhau’n disgrifio nodweddion wedi’u diweddaru a nodweddion newydd sydd wedi cael eu hychwanegu at ryngwyneb Canvas. Mae’r Ddewislen help yn dangos y deg nodyn rhyddhau diwethaf a bostiwyd i’r rôl gweinyddwr. Efallai y byddwch chi hefyd yn gweld nodiadau ar gyfer rolau addysgwr ac arsyllwr, os ydych chi wedi cael eich neilltuo i un o’r rolau hynny mewn cwrs.
I weld dogfen nodyn rhyddhau, cliciwch y ddolen ar gyfer y rhyddhau [1]. Mae’r ddogfen yn cynnwys crynodeb i ddefnyddiwr o wybodaeth ryddhau sy’n berthnasol i rôl defnyddiwr benodol. Mae’r Ddewislen help hefyd yn cynnwys disgrifiad byr [2] a’r dyddiad y cafodd y nodiadau rhyddhau eu cyhoeddi.
Mae’r Ddewislen Help yn dangos bathodyn wedi’i rifo ar gyfer unrhyw nodiadau rhyddhau sydd heb gael eu gweld [4]. I guddio’r bathodyn wedi’i rifo, cliciwch y botwm Dangos bathodynnau ar gyfer nodyn rhyddhau newydd (Show badges for new release notes) [5].
Nodiadau:
- I alluogi dolenni nodiadau rhyddhau yn y Ddewislen Help, galluogwch y rhagolwg nodwedd Nodiadau Rhyddhau wedi’u Plannu yng Ngosodiadau’r Cyfrif.
- Dydy rhagolygon nodwedd ddim yn cael eu crebwyll mewn nodiadau rhyddhau news bod y nodwedd yn nodwedd ddiofyn i bob defnyddiwr.