Ar ôl mewngofnodi i Canvas, gallwch weld eich cyrsiau presennol. Efallai y byddwch hefyd yn gallu gweld y cyrsiau blaenorol a’r cyrsiau yn y dyfodol rydych chi wedi ymrestru ar eu cyfer yn Canvas.
Nodyn: Efallai y bydd rhai sefydliadau yn cyfyngu ar yr opsiwn i weld neu gael mynediad at gyrsiau yn y dyfodol cyn y dyddiad dechrau a/neu gael mynediad at gyrsiau sydd wedi dirwyn i ben ar ôl iddyn nhw orffen.
Agor Cyrsiau
Yn y ddewislen Crwydro'r Safle Cyfan, cliciwch y ddolen Cyrsiau (Courses) [1], yna cliciwch y ddolen Pob Cwrs (All Courses) [2].
Gweld Cyrsiau
Caiff cyrsiau eu trefnu yn ôl Pob Cwrs (All Courses) [1], Ymrestriadau Blaenorol (Past Enrollments) [2], Ymrestriadau yn y Dyfodol (Future Enrollments) [3] a Grwpiau (Groups) [4].
Mae modd trefnu cyrsiau yn ôl statws Ffefryn, Enw, Llysenw, Tymor, statws ymrestru, a statws Cyhoeddi drwy glicio'r eicon Trefnu (Sort) yn y pennawd [5]. Mae grwpiau yn cael eu trefnu yn ôl yr wyddor yn ôl enw’r grŵp.
Os yw wedi’i ganiatáu gan eich sefydliad, gallwch chi weld mynegai cwrs cyhoeddus y sefydliad mewn fformat catalog drwy glicio’r botwm Pori drwy fwy o gyrsiau (Browse More Courses) [6].
Gweld Pob Cwrs
Mae’r opsiwn Pob Cwrs yn cynnwys y cyrsiau sy’n rhan o’r semester neu’r tymor presennol. Fodd bynnag, yn ddibynnol ar y gosodiadau mynediad ar gyfer cwrs, gall Fy Nghyrsiau hefyd ddangos cyrsiau nad ydynt wedi dechrau eto neu rai sydd heb eu cyhoeddi.
Mae'r cyrsiau sydd ar gael i chi wedi eu rhestru mewn ysgrifen las [1]. Mae'r cyrsiau hyn wedi cael eu cyhoeddi ac yn cynnwys dolen i’r cwrs. I agor cwrs, cliciwch enw’r cwrs.
Gallwch hefyd weld unrhyw enwau byr rydych chi wedi’u creu ar gyfer cyrsiau [2].
Os yw cwrs yn cynnwys dyddiad tymor, mae’r dyddiad tymor yn ymddangos [3].
Mae pob cwrs yn cynnwys eich rôl cwrs [4]. Mae modd cael rôl myfyriwr, athro, cynorthwyydd dysgu, arsyllwr, dylunydd, neu rôl bersonol wedi'i chreu gan eich sefydliad.
Mae statws cyhoeddi pob cwrs i’w weld yn y golofn Wedi Cyhoeddi [5]. Mae gan gyrsiau sydd heb eu cyhoeddi gefndir llwyd [6]. Dydy’r cefndir llwyd ddim yn ymddangos ar gyfer cyrsiau sydd heb eu cyhoeddi mewn ymrestriadau yn y gorffennol na’r dyfodol.
Yn yr adran Pob Cwrs, gallwch addasu eich rhestr cyrsiau a marcio cyrsiau fel ffefrynnau [7]. Mae hoff gyrsiau yn ymddangos ar y Dangosfwrdd Gwedd Cardiau.
Gallwch chi newid y drefn y mae cyrsiau’n cael eu rhestru drwy glicio’r eicon Trefnu (Sort) yn y pennawd [8]. Mae’r golofn sy’n cael ei defnyddio ar gyfer trefnu yn dangos eicon o’r dechrau i’r diwedd, neu fel arall, i nodi’r drefn [9].
Gweld Ymrestriadau Blaenorol
Mae'r cyrsiau o dan y pennawd Ymrestriadau Blaenorol (Past Enrollments) wedi dirwyn i ben ond maen nhw’n dal ar gael fel cyrsiau darllen-yn-unig wedi'u harchifo. Gall defnyddwyr blaenorol weld graddau a deunydd cyrsiau ond ni allant gyflwyno unrhyw aseiniadau.
Nodyn: Efallai na fydd rhai sefydliadau’n gadael i ymrestriadau blaenorol ymddangos ar y dudalen Cyrsiau.
Gweld Ymrestriadau yn y Dyfodol
Ystyr Ymrestriadau yn y Dyfodol yw cyrsiau a fydd ar gael fel rhan o dymor sydd i ddod neu sydd â dyddiad dechrau penodol.
Gall cyrsiau yn y dyfodol fod yn rhai wedi’u cyhoeddi, neu heb eu cyhoeddi. Fodd bynnag, efallai y bydd rhai sefydliadau yn cyfyngu addysgwyr rhag cael mynediad at gyrsiau cyn dechrau'r tymor. Os nad yw cwrs yn y dyfodol yn cynnwys dolen [1], ni fydd modd gweld y cwrs tan ddyddiad dechrau'r tymor.
Os yw cwrs yn y dyfodol yn cynnwys dolen [2], gallwch gael mynediad at y cwrs cyn dyddiad dechrau’r tymor.
Nodyn: Efallai na fydd rhai sefydliadau’n gadael i ymrestriadau yn y dyfodol ymddangos ar y dudalen Cyrsiau (Courses).
Gweld Grwpiau
Os ydych chi wedi ymrestru mewn grwpiau, bydd yr adran Grwpiau (Groups) yn dangos unrhyw grwpiau sy’n rhan o’ch cyrsiau presennol. Mae modd gweld eich holl grwpiau yn eich rhestr grwpiau.
I weld tudalen hafan grŵp, cliciwch ddolen enw’r grŵp.
Canfod ID Cwrs
Gallwch chi ddod o hyd i’ch rhif ID Cwrs ar ddiwedd eich URL cwrs (ee, canvas.instructure.com/courses/XXXXXX).
