Mae grwpiau yn is-set o gwrs, ac maen nhw’n debyg iawn i gwrs. Mae ganddyn nhw adnoddau eu hunain ar gyfer Cydweithrediadau, Bwrdd Trafod a Chalendr. Dim ond myfyrwyr sydd wedi’u hychwanegu at grŵp sydd â hawl i weld a defnyddio’r adnoddau hynny yn y grŵp.
Mae aseiniad trafodaeth grŵp yn creu'r un pwnc trafod yn union ym mhob categori grŵp. Pan fydd myfyrwyr yn ymateb i’r pwnc trafod, maen nhw’n gwneud hynny o fewn y grŵp, sydd wedi’i gysylltu â’r cwrs lle cafodd yr aseiniad ei greu.
Os byddai’n well gennych chi greu trafodaeth grŵp i’w graddio, gallwch ddysgu sut mae creu trafodaethau grŵp wedi’u graddio.
Nodyn: Bydd angen i chi greu setiau grwpiau a grwpiau cyn gosod aseiniad ar gyfer trafodaeth grŵp.
Agor Trafodaethau
Yn y ddewislen Crwydro’r Cwrs, cliciwch y ddolen Trafodaethau (Discussions).
Ychwanegu Trafodaeth
Cliciwch y botwm Ychwanegu Trafodaeth (Add Discussion).
Creu Trafodaeth Grŵp
Rhowch deitl i drafodaeth yn y maes Teitl Pwnc (Topic Title) [1].
Ychwanegwch gynnwys at drafodaeth drwy ddefnyddio’r Golygydd Cynnwys Cyfoethog (Rich Content Editor ) [2].
Yn opsiynau’r drafodaeth, dewiswch y blwch ticio Mae hon yn Drafodaeth Grŵp (This is a Group Discussion) [3].
Dewis Set Grwpiau
I ddewis set grwpiau sy’n bodoli’n barod, cliciwch y gwymplen Set Grwpiau (Group Set) [1]. I greu categori grŵp newydd, cliciwch y botwm Categori Grŵp Newydd (New Group Category) [2].
Creu Set Grwpiau
Os byddwch chi’n dewis creu categori grŵp newydd, rhowch y set grwpiau a gwybodaeth y grŵp yn yr is-ffenestr Creu Set Grwpiau.
Teipiwch enw’r set grwpiau yn y maes Enw’r Set Grwpiau (Group Set Name) [1]
Os ydych chi eisiau caniatáu hunangofrestru ar gyfer grwpiau yn y set grwpiau, ticiwch y blwch ticio Caniatáu hunangofrestru (Allow self sign-up) [2].
Dewiswch opsiwn strwythur grŵp yn yr adran Strwythur Grŵp (Group Structure) [3]. Gallwch chi ddewis rhannu myfyrwyr i nifer penodol o grwpiau, rhannu myfyrwyr yn grwpiau gyda nifer penodol o fyfyrwyr ym mhob grŵp, neu greu grwpiau yn nes ymlaen ar dudalen Pobl (People).
Ar ôl i chi orffen, cliciwch y botwm Cadw (Save) i greu’r set grwpiau a grwpiau [4].
Gallwch chi edrych at ein canllawiau grŵp i gael rhagor o wybodaeth am greu a golygu setiau grwpiau a chreu grwpiau.
Dewis Myfyrwyr a Neilltuwyd
I ychwanegu myfyriwr a neilltuwyd cliciwch ar y maes Rhoi I (Assign To) [1]. Dewis un neu ragor o fyfyrwyr a neilltuwyd. Gallwch neilltuo adran o’r cwrs [2], neu fyfyriwr unigol [3] i bawb.
Gosod Dyddiadau Ar Gael
I ddarparu eich trafodaeth ar ddyddiad penodol neu yn ystod cyfnod penodol, rhowch y dyddiadau yn y meysydd Ar gael o (Available From) a Tan (Until) [1], neu cliciwch yr eiconau calendr i ddewis dyddiadau [2]. Mae’r dyddiadau hyn yn berthnasol i bob defnyddiwr. Fel mater o drefn, mae’r meysydd hyn yn cael eu gadael yn wag, a bydd modd gweld y drafodaeth drwy’r cwrs i gyd.
I ddileu dyddiad a roddwyd yn y maes Ar gael o (Available From) neu Tan (Until), cliciwch y botwm Clirio (Clear) [3].
Nodyn: Dim ond i drafodaethau heb eu graddio y mae’r meysydd hyn yn berthnasol; os byddwch chi’n creu trafodaeth grŵp wedi’i graddio, dydy’r meysydd dyddiad hyn ddim yn berthnasol.
Cadw a Chyhoeddi
Os ydych chi’n barod i gyhoeddi eich trafodaeth, cliciwch y botwm Cadw a Chyhoeddi (Save and Publish) [1]. Os ydych chi am greu drafft o’ch trafodaeth a’i chyhoeddi rywbryd eto, cliciwch y botwm Cadw [2].
Pan fydd eich trafodaeth yn cael ei chadw ar ffurf drafft, gallwch fynd yn ôl i’r dudalen a'i chyhoeddi ar unrhyw adeg drwy glicio’r botwm Cyhoeddi (Publish).
Gweld Trafodaeth
I agor y drafodaeth grŵp, cliciwch yr eicon Grwpiau [1], yna clicio enw’r grŵp rydych chi eisiau ei agor [2].
Yr adran Trafodaeth fel mae’n ymddangos i Fyfyrwyr
Pan fydd myfyrwyr yn agor y drafodaeth, byddan nhw’n cael eu harwain i’r dudalen Trafodaethau yn eu grŵp prosiect penodol er mwyn cwblhau’r aseiniad.
Nodyn: Does dim modd rhoi negeseuon dienw ar drafodaeth.
