Gallwch ychwanegu ffeil at eich cwrs drwy lwytho ffeil i fyny. Gallwch hefyd fewngludo ffeiliau gan ddefnyddio’r adnodd mewngludo cwrs yng Ngosodiadau’r Cwrs.
Fel addysgwr, gallwch lusgo a gollwng ffeiliau o'ch ffeiliau personol i ffeiliau cwrs.
Nodiadau:
- Dydy Canvas ddim yn gallu delio â ffeiliau wedi’u llwytho i fyny sy’n fwy na 5 GB.
- Gall ffeiliau fideo a sain sy’n cael eu llwytho i fyny i Canvas drwy’r adnodd cyfryngau fod yn hyd at 500 MB o faint.
- Yn ddiofyn, mae ffeiliau’n cael eu cyhoeddi ac maent yn weladwy i bob defnyddiwr, ond, os ydych chi’n defnyddio Hawliau Defnyddio, bydd rhaid i chi osod hawliau defnyddio’r ffeil cyn y bydd modd cyhoeddi’r ffeil.
Agor Ffeiliau
Yn y ddewislen Crwydro’r Cwrs (Course Navigation), cliciwch y ddolen Ffeiliau (Files).
Llwytho Ffeil i Fyny
Cliciwch y botwm Llwytho i fyny (Upload).
Agor Ffeil
Cliciwch deitl y ffeil rydych chi am ei llwytho i fyny [1] a chliciwch y botwm Agor (Open) [2].
Llwytho Ffeiliau i fyny drwy Lusgo a Gollwng
Mae rhai porwyr gwe yn cynnwys nodwedd unigryw sy’n gadael i’r defnyddiwr ychwanegu at ffeiliau drwy lusgo a gollwng y ffeiliau o ffenestr ffeiliau yn syth i storfa ffeiliau Canvas. Cliciwch deitl y ffeil rydych chi am ei hychwanegu [1] a llusgwch y ffeil i’ch porwr sydd ar agor [2]. Bydd eich ffeil yn cael ei llwytho i fyny’n awtomatig.
Disodli Ffeil Ddyblyg
Os oes ffeil gyda’r un enw yn bodoli’n barod yn y ffolder lle rydych chi’n llwytho eich ffeil i fyny, bydd angen i chi ddweud a ydych chi am ei disodli neu ei hailenwi.
I ailenwi’r ffeil, cliciwch y botwm Newid Enw (Change Name) [1]. Bydd yr opsiwn hwn yn creu copi dyblyg o’r ffeil gydag enw gwahanol.
I ddisodli’r ffeil, cliciwch y botwm Disodli (Replace) [2].
Gweld Cynnydd y broses Llwytho i Fyny
Bydd bar cynnydd yn ymddangos ar frig y sgrin, yn dilyn cynnydd y broses o lwytho eich ffeil i fyny.
Gweld Ffeil
Gweld eich ffeil newydd yn y cwrs.
Nodyn: Os ydych chi’n defnyddio Hawliau Defnyddio, bydd rhaid i chi osod hawliau defnyddio’r cwrs cyn y bydd modd cyhoeddi’r ffeil.
