Gallwch weld holl gyhoeddiadau eich cwrs yn y Dudalen Mynegai Cyhoeddiadau. Fel addysgwr, gallwch chi hefyd greu cyhoeddiadau ac addasu gosodiadau cyhoeddiadau.
Agor Cyhoeddiadau
Yn y ddewislen Crwydro’r Cwrs, cliciwch y ddolen Cyhoeddiadau (Announcements).
Gweld Tudalen Mynegai
Mae’r dudalen Mynegai Cyhoeddiadau wedi’i dylunio gyda gosodiadau cyffredinol ar frig y dudalen [1], yna'r cyhoeddiadau unigol [2].
Gweld Gosodiadau Cyffredinol
I hidlo’r rhestr cyhoeddiadau i weld pob cyhoeddiad neu ddim ond y cyhoeddiadau heb eu darllen, cliciwch y gwymplen [1].
I chwilio am gyhoeddiad yn ôl geiriau yn y teitl, rhowch y geiriau, ymadroddion neu rannau o eiriau yn y maes Chwilio [2].
I farcio bod yr holl gyhoeddiadau wedi’u darllen, cliciwch y botwm Marcio bod y cyfan wedi’u darllen (Mark all as read) [3].
I ychwanegu cyhoeddiad newydd, cliciwch y botwm Ychwanegu Cyhoeddiad (Add Announcement) [4].
I weld crynodebau allanol ar gyfer cyhoeddiadau, cliciwch y ddolen Crynodebau Allanol (External Feeds) [5]. Gallwch ychwanegu crynodeb allanol neu danysgrifio i grynodeb RSS Cyhoeddiadau.
Gweld Cyhoeddiadau
Caiff cyhoeddiadau eu rhoi mewn trefn gronolegol o chwith, gyda’r Cyhoeddiadau diweddaraf yn ymddangos gyntaf a’r rhai hŷn yn ymddangos tuag at y gwaelod.
Mae pob cyhoeddiad yn cynnwys teitl y cyhoeddiad [1], llun proffil y defnyddiwr a bostiodd y cyhoeddiad [2], dangosydd wrth gyhoeddiadau sydd heb eu darllen [3], y dyddiad y cafodd y cyhoeddiad ei bostio [4], nifer yr atebion sydd heb eu darllen/cyfanswm yr atebion yn y cyhoeddiad [5] ac eicon opsiynau i reoli gosodiadau cyhoeddiad unigol [6].
Sylwch:
- Mae llun proffil sy’n dangos y llythyren U yn hytrach na llun proffil defnyddiwr yn dangos bod y cyhoeddiad wedi’i fewngludo gan ddefnyddio copi o gwrs, yr Adnodd Mewngludo Cwrs neu gwrs glasbrint. Nid yw cyhoeddiadau sydd wedi’u copïo yn cynnwys dyddiad nac amser postio chwaith.
- Os nad oes gan ddefnyddiwr lun proffil, bydd llythrennau blaen y defnyddiwr i’w gweld yn lle llun proffil.
Rheoli Mwy nag Un Cyhoeddiad
I weithredu mewn swp, fel cloi neu ddileu, cliciwch y blwch ticio wrth y cyhoeddiadau [1]. I gloi pob cyhoeddiad sydd wedi'i ddewis er mwyn gwneud sylwadau, cliciwch y botwm Cloi (Lock) [2]. I ddileu’r holl gyhoeddiadau sydd wedi’u dewis, cliciwch y botwm Dileu (Delete) [3].
Rheoli Cyhoeddiadau Unigol
I gael gweld cyhoeddiad, cliciwch enw’r cyhoeddiad [1].
I agor y gosodiadau cyhoeddiadau unigol, cliciwch yr eicon Opsiynau (Options) [2]. I ddileu cyhoeddiad, cliciwch y ddolen Dileu (Delete) [3]. Os yw eich cwrs yn caniatáu sylwadau, gallwch chi hefyd ddewis caniatáu neu beidio â chaniatáu sylwadau [4].
Gweld y Wedd Myfyrwyr
I weld y dudalen mynegai cyhoeddiadau fel myfyriwr, cliciwch y botwm Gweld fel Myfyriwr (View as Student).
Nodyn: Os ydy’r ddolen crwydro’r cwrs ar gyfer y dudalen wedi’i hanalluogi ac wedi’i chuddio rhag myfyrwyr, ni fydd y botwm Gweld fel Myfyriwr yn ymddangos.
