Pan fyddwch chi wedi ymrestru ar gyfer mwy nag un cwrs Canvas, gallwch addasu’r cyrsiau gweithredol rydych chi am eu dangos yn y rhestr Cyrsiau. Hoff gyrsiau yw'r term a roddir ar y cyrsiau rydych chi eisiau eu dangos yn y gwymplen Cyrsiau. Gall unrhyw gwrs gweithredol sy'n ymddangos ar y dudalen rhestr o gyrsiau gael ei osod fel hoff gwrs. Mae hoff gyrsiau hefyd yn ymddangos ar y Dangosfwrdd Gwedd Cerdyn.
Pan nad oes cwrs wedi’i nodi’n ffefryn, bydd y rhestr o gyrsiau yn dangos hyd at 20 o gyrsiau yn awtomatig yn nhrefn yr wyddor yn y gwymplen. Fodd bynnag, ar ôl i chi ddewis o leiaf un cwrs fel ffefryn, dim ond eich hoff gyrsiau fydd yn ymddangos ar y rhestr Cyrsiau.
Sylwch: Caiff cyrsiau eu rhestru yn nhrefn yr wyddor bob amser; ni allwch newid trefn eich cyrsiau.
Agor Cyrsiau
Yn y ddewislen Crwydro'r Safle Cyfan, cliciwch y ddolen Cyrsiau (Courses) [1], yna cliciwch y ddolen Pob Cwrs (All Courses) [2].
Rheoli Cyrsiau
I nodi cwrs fel ffefryn, cliciwch y seren wrth enw’r cwrs [1]. Mae cyrsiau sydd â sêr wedi’u llenwi yn dangos bod y cwrs yn ffefryn [2].
Yn y Dangosfwrdd, bydd unrhyw gyrsiau lle mae gennych chi rôl addysgwr yn cael eu rhestru gyntaf, wedyn rhai lle mae gennych chi rôl Cynorthwyydd Dysgu ac unrhyw fath personol arall o rôl addysgwr. Y cyrsiau lle mae gennych chi rôl myfyriwr fydd yn cael eu rhestru olaf.
Sylwch: Pan fyddwch chi'n hoffi o leiaf un cwrs, dim ond y cyrsiau wedi’u hoffi y bydd y Dangosfwrdd yn eu dangos. Hefyd, bydd Canvas yn parhau i hoffi ymrestriadau newydd i'r cwrs yn awtomatig.
Gweld Cyrsiau sydd heb eu Cyhoeddi
Gellir dod o hyd i gyrsiau heb eu cyhoeddi drwy eu cefndir llwyd [1] a’r golofn Wedi Cyhoeddi [2]. Gall cyrsiau sydd heb eu cyhoeddi gael eu gwneud yn ffefrynnau.
Gweld Ymrestriadau Blaenorol
Yn ddibynnol ar ffurfweddiad cyrsiau, efallai y byddwch yn dal yn gallu gweld cyrsiau sydd wedi dirwyn i ben o dan y pennawd Ymrestriadau Blaenorol. Fodd bynnag, dydy cyrsiau ddim yn cael eu tynnu o’r ffefrynnau yn awtomatig pan mae cwrs yn dirwyn i ben. Os yw cwrs blaenorol yn dal yn ymddangos fel ffefryn, gallwch chi dynnu’r cwrs o’ch ffefrynnau drwy glicio’r eicon seren [2].
