Gallwch ychwanegu eitemau cynnwys newydd neu bresennol yn Canvas at fodiwl. Gallwch hefyd ychwanegu eitem at fwy nag un modiwl, neu fwy nag un fersiwn o eitem at un modiwl.
Pan fyddwch chi’n ychwanegu eitemau at Fodiwl, cofiwch fod statws y Modiwl yn diystyru cyflwr yr eitemau modiwl unigol. Efallai y byddwch am ystyried gadael pob eitem Modiwl yn y cyflwr heb ei gyhoeddi nes eich bod chi’n barod i gyhoeddi’r Modiwl cyfan. Dysgwch fwy am gyhoeddi neu ddad-gyhoeddi modiwl.
Nodiadau:
- Bydd Canvas yn derbyn y rhan fwyaf o ffeiliau cyfryngau i’w llwytho i fyny. Ond, nid oes modd chwarae pob ffeil cyfryngau o fewn Canvas.
- Mae ffeiliau sydd wedi’u llwytho i fyny yn cael yn cael eu cyhoeddi’n awtomatig a’u dangos yn Ffeiliau’r Cwrs. Wrth ychwanegu math o ffeil sydd wedi cael ei chyfyngu, cofiwch fod ffeiliau sydd wedi cael eu cyfyngu yn gweithredu fel ffeiliau sydd wedi cael eu cyhoeddi a’i bod yn bosib y bydd myfyrwyr yn gallu eu gweld. Gallwch ddysgu mwy am gyfyngu ar ffeiliau yn Canvas.
- Mae amryw o eitemau modiwl yn gallu cael effaith ar berfformiad. Mae modiwlau yn gallu delio â hyd at 100 eitem modiwl ar dudalen cynnydd myfyrwyr.
- Os yw eich cwrs yn gofyn i chi osod hawliau defnyddio ar eich ffeil, yna bydd rhaid i chi osod yr hawliau defnyddio cyn y gallwch chi gyhoeddi’r ffeil mewn modiwl.
Agor Modiwlau
Yn y ddewislen Crwydro’r Cwrs, cliciwch y ddolen Modiwlau (Modules).
Ychwanegu Eitem Modiwl
I ychwanegu eitem, cliciwch yr eicon Ychwanegu Eitem (Add Item) [1] neu lusgo a gollwch i ychwanegu ffeiliau at fodiwl gwag [2].
Ychwanegu Eitem at Fodiwl
Ychwanegu Eitem Newydd
Os ydych chi am ychwanegu eitem newydd, cliciwch y ddolen [Newydd (New)] [1] a theipiwch enw yn y maes enw [2].
Yn dibynnu ar y math o eitem, wrth ychwanegu cynnwys newydd efallai y bydd gofyn i chi lenwi meysydd ychwanegol.
Llwytho Ffeil i Fyny
Os ydych chi’n ychwanegu ffeil at fodiwl, gallwch chi lwytho ffeil newydd i fyny drwy glicio’r ddolen Creu Ffeil(iau) (Create File(s)) [1]. Mae ffeiliau sydd wedi’u llwytho i fyny yn cael yn cael eu cyhoeddi’n awtomatig a’u dangos yn Ffeiliau’r Cwrs.
I ddewis ffeil o’ch cyfrifiadur, cliciwch y botwm Dewis Ffeil(iau) (Choose File(s)) [2]. Os yw hyn wedi’i alluogi gan eich sefydliad, efallai y byddwch chi’n gallu dewis mwy nag un ffeil.
I ddewis ffolder gyrchfan ar gyfer eich ffeil sydd wedi’i llwytho i fyny, dewiswch opsiwn yng nghwymplen y Ffolder
Os yw ffeil sydd wedi’i llwytho i fyny yn ddyblygiad o ffeil sy’n bodoli’n barod, bydd Canvas yn dangos hysbysiad yn gofyn a ddylai’r ffeil gael ei disodli, ei hailenwi, neu ei diystyru.
Ychwanegu Eitem sy’n bodoli’n barod
Os ydych chi wedi creu'r eitem rydych chi am ei hychwanegu’n barod, yna cliciwch enw’r eitem. I ddewis mwy nag un eitem, pwyswch Shift a dewis yr eitem gyntaf ac olaf yn y rhestr i’w hychwanegu.
Mewnoli Eitem
Dewiswch y gwymplen Mewnoli (Indentation) i fewnoli’r eitem yn y modiwl.
Ychwanegu Eitem
Cliciwch y botwm Ychwanegu Eitem (Add Item).
Gweld Eitem Modiwl
Gweld yr eitem modiwl sydd wedi cael ei dewis.